அமெரிக்காவிற்கு ஜாக்பாட்: 'செலவே இல்லாமல் 6,500 கோடி பேரல் எண்ணெய்' வெனிசுலாவின் சூப்பர் பரிசு!

கடந்த ஜனவரி மாதம், வெனிசுலாவின் அப்போதைய அதிபர் மதுரோவைக் கைது செய்து, அமெரிக்காவிற்குக் கொண்டு சென்றார் அமெரிக்க அதிபர் ட்ரம்ப்.

இந்தச் சம்பவத்திற்குப் பின், ட்ரம்பின் டார்கெட் முழுவதும் வெனிசுலாவின் எண்ணெய் மீது இருந்தது.

அமெரிக்கா – வெனிசுலா ஒப்பந்தம்

அதற்கேற்ற மாதிரி, கடந்த 29-ம் தேதி, வெனிசுலாவுடன் எண்ணெய் ஒப்பந்தம் ஒன்றைப் போட்டுள்ளது அமெரிக்கா. இது குறித்து ட்ரம்ப் தனது ட்ரூத் சமூக வலைதளப் பக்கத்தில் பதிவிட்டிருப்பதாவது…

“அமெரிக்கா வெனிசுலா நாட்டுடன் உலக வரலாற்றிலேயே மிகப்பெரிய எண்ணெய் ஒப்பந்தத்தை இப்போது செய்துள்ளது.

எனது வழிகாட்டுதலின்படி, வெளியுறவுத் துறைச் செயலர் மார்கோ ரூபியோவும் பாதுகாப்புத் துறைச் செயலர் பீட் ஹெக்சேத்தும் இதில் இணைந்து செயல்பட்டனர்.

அவர்கள் வெனிசுலாவின் இடைக்கால அதிபர் டெல்சி ரோட்ரிக்ஸ் மற்றும் தனியார்த் துறையுடன் இணைந்து இந்த ஒப்பந்தத்தை முடித்துள்ளனர்.

இந்த ஒப்பந்தம் அமெரிக்கர்களுக்கு ஒரு பைசா கூட செலவில்லாமல், வெனிசுலாவில் உள்ள 6,500 கோடி பேரலுக்கும் அதிகமான எண்ணெயின் பெரும் பகுதியை அமெரிக்காவின் கட்டுப்பாட்டின் கீழ் கொண்டுவந்துள்ளது. இந்த வரலாற்றுச் சிறப்புமிக்க ஒப்பந்தமானது அமெரிக்காவின் எண்ணெய் இருப்பை இரட்டிப்பிற்கும் மேலாக அதிகரிக்கும்.

அமெரிக்காவின் எண்ணெய் விநியோகத்தைப் பெருமளவில் உயர்த்தும்.

மேலும் இன்னும் பல காலத்திற்கு அனைத்து அமெரிக்கர்களுக்குமான எரிபொருள் விலையைக் கணிசமாகக் குறைக்கும்.

அதே வேளையில், வெனிசுலாவை மிகப்பெரிய வெற்றி மற்றும் பெரும் செழிப்பை நோக்கிய பாதையில் தொடர்ந்து கொண்டு செல்லவும் இது உதவும்.

இந்த ஒப்பந்தம் வெனிசுலாவிற்கும் அமெரிக்காவிற்கும் இடையே ஏற்கனவே வளர்ந்து வரும் உறவை மேலும் வலுப்படுத்தும்!” என்று தனது பதிவில் குறிப்பிட்டிருந்தார்.

இந்த எண்ணெய் எதற்கு பயன்படப் போகிறது?

தற்போது அந்த எண்ணெய் எதற்காக அமெரிக்காவில் பயன்படுத்தப்படும் என்று தனது ட்ரூத் பக்கத்தில் குறிப்பிட்டுள்ளார் ட்ரம்ப்.

“வெனிசுலா எண்ணெயைக் கொண்டு நான் செய்யப்போகும் முக்கியமான காரியங்களில் ஒன்று, நமது நாட்டின் மூலோபாய எண்ணெய் இருப்பை (Strategic Petroleum Reserve) நிரப்புவதுதான்.

தூங்குமூஞ்சி ஜோ பைடனின் ஆட்சியால் அது கிட்டத்தட்ட முழுமையாகக் காலியாகிவிட்டது.

இந்த இருப்பை நிரப்பும் பணி மிக விரைவில் தொடங்க உள்ளது. இது வெனிசுலா நாட்டு மக்களிடமிருந்து அமெரிக்க மக்களுக்குக் கிடைக்கும் ஒரு பரிசாகும்.”

ட்ரம்ப் மதுரோவைக் கைது செய்த நோக்கங்களில் மிக முக்கியமான ஒன்று – வெனிசுலாவின் எண்ணெய் வளம். தற்போது இந்த ஒப்பந்தம் மூலம் ட்ரம்ப் இந்த விஷயத்தில் வெற்றி பெற்றுள்ளார்.

More in TamilNews

அடித்து ஆடும் அமைச்சர் விக்னேஷ்..டாஸ்மாக்கில் அதிரடி மாற்றம்! இனி ஒன்லி ஆன்லைன் தான்! என்ன நடக்கும்? September 6, 2026 பிக் பாஸ் 10 நிகழ்ச்சிக்கு தேர்வான 19 போட்டியாளர்கள் இவர்கள்தான்! காமன்மேன் முதல் செலிபிரட்டீஸ் வரை முழு லிஸ்ட் September 6, 2026 பைபிள் கண்காட்சியில் ஃபுட் ஷோ.. ஒரே நேரத்தில் 60 பேருக்கு வாந்தி மயக்கம்! தூத்துக்குடியில் பரபரப்பு! September 6, 2026 ஸ்டைலை மாற்றும் ஆப்பிள்.. இனிமேல் A to Z எல்லாமே வந்து குவிய போகுது.. ரசிகர்கள் குஷியோ குஷி September 6, 2026 ஜிம் இல்லை.. வெறும் சாப்பாட்டை மட்டுமே வைத்து உடல் எடையை குறைத்த மாதவன்.. இது எப்படி சாத்தியம்? September 6, 2026 “தனியார்மயம் ஆக்கப்படாது.. அப்படி ஒரு பிளானே இல்லை”.. இஸ்ரோ திட்டவட்டம்! September 6, 2026

See all 812 in TamilNews →

Latest News

Petition Calls for Macklemore’s Removal From Ed Sheeran’s Tour After Rapper’s “Free Palestine” Onstage Plea September 6, 2026 US denies Iran's claim of strike on American vessel near Strait of Hormuz September 6, 2026 ‘Mr. Nelson, Did You Kill People?’ Review: A Vietnam Vet Reckons with PTSD in a Heavy-Handed Trauma Drama September 6, 2026 Delhi Building Collapse: Rekha Gupta Orders Case Against Owner September 6, 2026 Telluride: ‘Wild Horse Nine’ Team on Blending Genres, Shooting on Location and John Malkovich’s Oscar Buzz September 6, 2026 5 Dead, Several Feared Trapped After Six-Storey Building Collapses In Delhi September 6, 2026