நீண்ட நாள் ஆசை சக்சஸ்: "Greenland-ன் 'நிரந்தர' கன்ட்ரோல் இனி அமெரிக்காவிற்கே!" – ட்ரம்ப் மகிழ்ச்சி

அமெரிக்காவின் பாதுகாப்புக் காரணங்களுக்காகவும், அதன் இருப்பிடத்தின் காரணத்திற்காகவும் எப்போதுமே அமெரிக்க அதிபர் ட்ரம்பிற்கு கிரீன்லாந்து மீது கண் உண்டு.

கிரீன்லாந்தை வாங்கவெல்லாம் பிளான் செய்தார் ட்ரம்ப். ஆனால், அது வேலைக்கு ஆகவில்லை.ஆனால், தற்போது டென்மார்க்குடன் ஒப்பந்தம் போட்டு, கிரீன்லாந்தின் ‘நிரந்தர கட்டுப்பாட்டை’ பெற்றிருக்கிறார் ட்ரம்ப்.

ட்ரம்ப் மகிழ்ச்சி

இது குறித்து ட்ரம்பே தனது ட்ரூத் சமூக வலைதளப் பக்கத்தில் தெளிவாக விளக்கியிருக்கிறார்.ட்ரம்ப் தனது பதிவில், “அமெரிக்கா, டென்மார்க் மற்றும் கிரீன்லாந்துடன் ஒரு வரலாற்றுச் சிறப்புமிக்க ஒப்பந்தத்தில் கையெழுத்திட்டுள்ளது. இதை அறிவிப்பதில் நான் மகிழ்ச்சி அடைகிறேன்.

ஒரு பைசா கூடச் செலவில்லை!

இந்த ஒப்பந்தம் கிரீன்லாந்தின் பாதுகாப்பு மற்றும் அனைத்துத் தேவைகளுக்கும் அமெரிக்காவிற்குக் கட்டுப்பாட்டை வழங்குகிறது. இது அமெரிக்காவின் பல கவலைகளுக்கும் முற்றுப்புள்ளி வைக்கிறது.

இதில் அமெரிக்காவிற்குச் ஒரு பைசா கூடச் செலவில்லை.

எனது வழிகாட்டுதலின்படி, கிரீன்லாந்து மற்றும் அமெரிக்காவின் பாதுகாப்பை உறுதிப்படுத்துவதற்கும் பாதுகாப்பதற்கும் தேவையானவற்றைச் செய்யும் முழுமையான அதிகாரத்தை அமெரிக்கா நிரந்தரமாகப் பெற்றுள்ளது.

இதற்கு டென்மார்க் மற்றும் கிரீன்லாந்து பிரதிநிதிகளுடன் இணைந்து பணியாற்றிச் சாதித்துள்ளோம்.

முடிவில்லா ஒப்பந்தம்

இதற்கு டென்மார்க் மற்றும் கிரீன்லாந்து பிரதிநிதிகளுடன் இணைந்து பணியாற்றிச் சாதித்துள்ளோம்.

கூடுதலாக, இனிமேல் அமெரிக்காவின் எதிரி நாடுகள் எதுவும் கிரீன்லாந்தில் தளம் அமைக்கவோ, இராணுவ இருப்பைக் கொண்டிருக்கவோ அல்லது உணர்திறன் மிக்க முதலீடுகளைச் செய்யவோ முடியாது. இதற்கு அமெரிக்காவின் எழுத்துப்பூர்வமான ஒப்புதல் கட்டாயம்.

100 ஆண்டுகளுக்கும் மேலாக அமெரிக்க அதிபர்கள் கிரீன்லாந்தின் முக்கியத்துவத்தை அறிந்தே இருந்தனர்.

ஆனால் அவர்களால் எதையும் செய்ய முடியாமல் போனது. மிக முக்கியமான இந்தச் சூழலை நிரந்தரமாகவும் தீர்க்கமாகவும் கையாண்ட அதிபர் என்பதில் நான் பெருமை கொள்கிறேன்.

இது ஒரு ‘முடிவில்லா ஒப்பந்தம்’.

ராணுவத் தளத்தை விரைவில் அமைப்போம்

கிரீன்லாந்தில் ஏதுவான பல பகுதிகள் உள்ளன. அவற்றில் பொருத்தமான ஒரு பகுதியில் மிகப்பெரிய ராணுவத் தளத்தை அமைக்கும் பணியை நாங்கள் உடனடியாகத் தொடங்குவோம்.

அதன் வளர்ச்சி மற்றும் கட்டுமானப் பணிகளில் கிரீன்லாந்து மக்களுடன் இணைந்து செயல்படுவோம்.

இந்தத் தீர்வு அமெரிக்கா, டென்மார்க், கிரீன்லாந்து மற்றும் நமது கூட்டாளி நாடுகள் அனைத்திற்கும் ஒரு மிகச்சிறந்த முடிவாகும்.

இந்த மிகப்பெரிய, மிக முக்கியமான மூலோபாய நிலப்பரப்பின் மூலம், ஒரு மகத்தான எதிர்காலத்தை நோக்கி டென்மார்க் மற்றும் கிரீன்லாந்தின் அருமையான மக்களுடன் இணைந்து பணியாற்ற ஆவலுடன் காத்திருக்கிறோம்.

நாங்கள் இதை மிகக் கவனமாகப் பாதுகாப்போம்! இது அமெரிக்காவின் நீண்ட நாள் கனவு நனவான தருணம்—மிகவும் முக்கியமானது, வரலாற்றுச் சிறப்புமிக்கது மற்றும் தனித்துவமானது!” என்று குறிப்பிட்டுள்ளார்.

எப்படியோ ட்ரம்ப் போட்டுவைத்த திட்டம் சக்சஸ்!

More in TamilNews

`3 மணிக்கே எழுந்து ஆய்வுக்குச் செல்கிறேன்; சின்னச்சின்ன பிரச்னைகளை…' – அமைச்சர் தமிழன் பார்த்திபன் September 20, 2026 "ஆதவ் அர்ஜூனா ஒரு வேடந்தாங்கல் பறவை" – எடப்பாடி பழனிசாமி சொல்வது என்ன? September 20, 2026 தவெக நட்சத்திரப் பேச்சாளர் பட்டியல்: “இடைத்தேர்தல் நியாயமாக நடைபெறுமா?" – கராத்தே தியாகராஜன் கேள்வி September 20, 2026 `பிரதமர் மோடியை கிண்டல் செய்த ராகுல் காந்தி' பாஜக தலைவர்கள் கண்டனம்! – என்ன நடந்தது? September 20, 2026 “முதல்வர், மக்களின் உணர்வுகளை புரிந்து கொள்ளாமல் மீண்டும் மீண்டும்…”- அன்புமணி காட்டம்! September 20, 2026 தவெக: “ரெட்டி கேங் துணையோடு ஆட்சி..!" – முதல்வர் விஜய்யை விமர்சிக்கும் அப்பாவு September 20, 2026

See all 899 in TamilNews →

Latest News

`3 மணிக்கே எழுந்து ஆய்வுக்குச் செல்கிறேன்; சின்னச்சின்ன பிரச்னைகளை…' – அமைச்சர் தமிழன் பார்த்திபன் September 20, 2026 Stephen Fleming on Bazball, Root and his vision for England Test team September 20, 2026 சூரியின் மண்டாடி இவ்வளவு பெரிய வெற்றி பெற காரணம் இதுதான்.. பிரசாந்த் ஓபன் டாக் September 20, 2026 NEET PG Answer Key 2026 Live: Provisional Key, Response Sheet Expected Soon; Check Latest Updates September 20, 2026 "ஆதவ் அர்ஜூனா ஒரு வேடந்தாங்கல் பறவை" – எடப்பாடி பழனிசாமி சொல்வது என்ன? September 20, 2026 தவெக நட்சத்திரப் பேச்சாளர் பட்டியல்: “இடைத்தேர்தல் நியாயமாக நடைபெறுமா?" – கராத்தே தியாகராஜன் கேள்வி September 20, 2026