“சட்டம் ஒழுங்கு பிரச்னையைப் போராட்டம் மூலம் ஊதிப் பெரிதாகக் காட்டுகிறார்கள்" – அமைச்சர் வன்னி அரசு

அரசுக் கல்லூரி மாணவர்கள், ஏழை எளிய மக்களுக்கான நலத்திட்டங்கள் மற்றும் மாநில உரிமைப் பாதுகாப்பு ஆகிய அனைத்துத் தளங்களிலும் இந்த அரசு மிகச் சிறப்பாகச் செயல்பட்டு வருகிறது என அமைச்சர் வன்னி அரசு தெரிவித்திருக்கிறார்.

இது தொடர்பாக செய்தியாளர்களிடம் பேசிய அவர், “இதுவரை அறிவிக்கப்பட்டு கட்டி முடிக்கப்பட்ட கட்டிடங்கள் திறக்கப்பட்டு வருவதோடு, எஞ்சிய கட்டிடப் பணிகளும் விரைவில் முடிக்கப்படும். இது ஓர் இடைக்கால பட்ஜெட் என்பது அனைவருக்கும் தெரியும்.

வரும் நிதியாண்டிற்கான முழுமையான பட்ஜெட்டில் இன்னும் கூடுதல் நிதி ஒதுக்கீடு செய்யப்படும். இருப்பினும், இந்த இடைக்கால பட்ஜெட்டிலேயே கடந்த முறையை விடக் கூடுதல் நிதி எங்களது துறைக்கு முதலமைச்சர் அவர்களால் ஒதுக்கப்பட்டுள்ளது.

இதன் மூலம் அயலக உயர்கல்விக்கான உதவித்தொகை, அரசுக் கல்லூரிகள், அரசு உதவிபெறும் கல்லூரிகள் மற்றும் சுயநிதி கல்லூரி மாணவர்களுக்கான உதவித்தொகைகள் கணிசமாக உயர்த்தப்பட்டுள்ளன. இந்திய அளவில் ஒவ்வொரு ஆண்டும் உற்பத்தி மற்றும் பொருளாதாரத்தின் அடிப்படையில் தான் விலைவாசி நிர்ணயிக்கப்படுகிறது.

எனினும், தமிழ்நாட்டில் விலைவாசியை முழுமையாகக் கட்டுப்பாட்டுக்குள் வைத்திருக்க வேண்டும் என்பதில் முதலமைச்சர் அவர்களும், உணவுத்துறை அமைச்சரும் மிகத் தீவிரமாக உள்ளனர்.

இதற்கான அனைத்து நடவடிக்கைகளும் அரசு சார்பில் எடுக்கப்பட்டு வருகின்றன. முன்னாள் தோழமை கட்சியான திமுக நடத்தி வரும் போராட்டங்கள், ஜனநாயக நாட்டில் போராட்டம் நடத்துவது என்பது அனைவருக்குமான உரிமை. சட்டம்-ஒழுங்குப் பிரச்னைகளைப் பொறுத்தவரை, கடந்த கால அரசுடன் ஆட்சியில் இருந்தோம். அப்போது நாங்களும் இணைந்து பல போராட்டங்களை நடத்தியுள்ளோம்.
ஆனால், தற்போதைய ஆட்சியின் சிறப்பான செயல்பாடுகளைப் பொறுக்க முடியாமல், மக்களிடையே அவதூறைப் பரப்பி, திசைதிருப்பும் நோக்கிலேயே சிலர் சட்ட ஒழுங்கு விவகாரத்தை இந்தப் போராட்டங்கள் மூலம் ஊதிப் பெரிதாக்குகின்றனர்.

இயற்கை பேரிடர்கள் மற்றும் மழை-வெள்ளக் காலங்களில் முதலமைச்சர் அவர்களின் தலைமையில் ஐ.ஏ.எஸ். அதிகாரிகள் குழு அமைக்கப்பட்டு மிக விரைவாக மக்கள் பணிகள் மேற்கொள்ளப்பட்டன.

இந்தக் குறுகிய காலத்தில் அரசு செய்த சாதனைகளை மறைக்க முடியாது. கடந்த ஆட்சியுடன், இப்போது புதிதாக ஆட்சிக்கு வந்த ஆட்சியை வைத்து ஒப்பீடு செய்வது சரியல்ல. இருப்பினும் மாநில உரிமைகளைப் பாதுகாப்பதில் இந்த அரசு உறுதியாக உள்ளது. ஒன்றிய அரசு வந்தே மாதரம் சார்ந்த நடைமுறைகளைக் கொண்டுவந்தபோது, இந்தியாவிலேயே முதன்முறையாக அதற்கு மாற்றாக சட்டப்பேரவையில் ‘தமிழ்த்தாய் வாழ்த்து’ பாடப்பட வேண்டும் என்று தீர்மானம் கொண்டுவந்தவர் எங்களது முதலமைச்சர். கர்நாடகா, நாகாலாந்து போன்ற மாநிலங்களில் அந்தந்த மாநில மக்களின் அடையாளம் மற்றும் உரிமைகளை நிலைநாட்ட தனிக்கொடிகள் ஏற்றப்படுகின்றன.

நவம்பர் 1 மொழிவழி மாநிலங்கள் உருவான நாளில், தேசிய இனங்களின் அடையாளங்கள் மற்றும் உரிமைகள் குறித்துப் பேசுவது தவறல்ல. தமிழ்நாட்டிற்கென தனிக்கொடி கட்டமைப்பது என்பது தேசிய இன உரிமை சார்ந்த விவகாரம். இது குறித்துப் பொதுத்துறை அமைச்சர் ஆதவ் அர்ஜுனா தெளிவுபடுத்தியுள்ளார். தமிழ்நாட்டிற்குத் தனிக்கொடி இருக்க வேண்டும் என்பதில் எவ்வித மாற்றுக் கருத்தும் இல்லை.

எந்தவிதமான ஆதாரங்களும் தரவுகளும் இல்லாமல் யார் மீதும் சட்ட நடவடிக்கை எடுக்க முடியாது. தரவுகளின் அடிப்படையிலேயே வழக்குகள் தொடுக்கப்பட்டு விசாரணைகள் நடைபெற்று வருகின்றன. சட்டம் தன் கடமையைச் செய்கிறது. இதற்கான முடிவை நீதிமன்ற விசாரணை முடிவில்தான் தெரியவரும். எனவே இதில் அரசியல் பழிவாங்கல் என்ற பேச்சிற்கே இடமில்லை” என்றார்.

Junior Vikatan-ன் பிரத்யேக Whatsapp Group…

இணைவதற்கு இங்கே க்ளிக் செய்யவும்… https://tinyurl.com/2b963ppb

வணக்கம்,

BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb

More in TamilNews

"தமிழக அரசு நிலைப்பாட்டில் மாற்றமில்லை தானே.." கரூர் கூட்ட நெரிசல் வழக்கு.. உச்ச நீதிமன்றம் கேள்வி! November 4, 2026 ஞானேஷ் குமாருக்கு சிக்கல்.. ரூ. 2 கோடி லஞ்சம்.. மலேசிய இன்ஜினியர் தற்கொலை.. தீவிரமடையும் விசாரணை November 4, 2026 ஜென்ம நட்சத்திர பலன்கள் – நவம்பர் 5 2026 வியாழக்கிழமை November 4, 2026 இன்றைய பஞ்சாங்கம் – நவம்பர் 5 2026 வியாழக்கிழமை November 4, 2026 "ஆம்னி பஸ்கள் தீபாவளிக்கு அதிக கட்டணம் வசூலித்தால்.. பண்டிகை முடிந்து நடவடிக்கை!" அமைச்சர் வார்னிங் November 4, 2026 டிரம்ப்பிற்கு எதிராக திரும்பும் துணை அதிபர் வேன்ஸ்! "அவரது" முடிவுகளே தோல்விக்கு காரணம் என பாய்ச்சல் November 4, 2026

See all 599 in TamilNews →

Latest News

Our Big Interview With Ocarina of Time Producers Eiji Aonuma and Hidemaro Fujibayashi November 5, 2026 The Legend of Zelda: Ocarina of Time Remake Full English Voice Cast Revealed November 5, 2026 2 Teen Trainee Cabin Crew Invited To Party, Then Sexually Assaulted In Hyderabad November 5, 2026 SSC Graduate Level Exam Answer Key, Response Sheet Out: Check Objection Window Details November 5, 2026 Adam Driver Confirms His Role in Heat 2, Comments on Recent Michael Mann Shooting November 5, 2026 Indian Bank Apprentice Recruitment 2026: How To Apply For 1,500 Posts November 5, 2026