`பெரியார் அறிவுலகத்திற்கு இந்த அரசு மூடுவிழா நடத்தியிருக்கும்; நல்லவேளை..!’ – மு.க.ஸ்டாலின்

கோவையில் நடைபெறும் பல்வேறு நிகழ்ச்சிகளில் பங்கேற்க தி.மு.க தலைவர் ஸ்டாலின் இன்று கோவைக்கு வருகை தந்தார். பின்னர் நிலாம்பூர் பகுதியில் புதிய தி.மு.க கட்சி அலுவலகம் கட்டுவதற்கான அடிக்கல் நாட்டு விழாவில் கலந்து கொண்டார். இதையடுத்து காந்திபுரம் பகுதியில் அமைக்கப்பட்டுள்ள பெரியார் அறிவுலகத்தை தி.க., தலைவர் கி.வீரமணி உடன் இணைந்து பார்வையிட்டார். அப்போது செய்தியாளர்களுக்குப் பேட்டியளித்த கி.வீரமணி, ”நாம் அனைவரின் வாழ்நாளிலும் மிக முக்கியமான நாள். அதைச் செய்தவர் இங்கு இருக்கிறார். அவருடன் நாம் அனைவரும் மகிழ்ந்து நிற்கிறோம். இந்தச் சாதனைக்கு ஆயிரம் ஆயிரம் ஆண்டுகள் வரலாறு நிச்சயமாக இருக்கும்.

இது வெறும் நூலகம் அல்ல, அறிவியலும் இருக்கிறது. இங்கு மூடநம்பிக்கைகளுக்கு இடம் கொடுக்காது, பெரியார் கண்ட இனிவரும் உலகம் எப்படி இருக்க வேண்டும் சொல்லும்போது, எப்படி இருக்கும் என்பதை தி.மு.க தலைவர் மு.க.ஸ்டாலின் சிறப்பாக செய்துள்ளார். எனது வாழ்நாளில், 84 ஆண்டுகள் பொது வாழ்வில் இப்படி ஒரு பொன்னான வாய்ப்பை நான் பெற்றது இல்லை. எனவே, அனைவரின் சார்பில் கோடான கோடி நன்றி செலுத்த கடமைப்பட்டுள்ளோம். அறிவுலகம் பரவட்டும் அறியாமை நீங்கட்டும். சாதி, மதம் பேதம் இல்லாமல் எல்லோரும் வரும் இடம் இது தான். இதை நிர்மானித்தவருக்கு எப்படி நன்றி சொல்வது என்று தெரியவில்லை. காலமெல்லாம் ஸ்டாலின் வாழ்வார், திராவிடம் வாழும் நூலகம் பெருகும்” என்றார்.

இதையடுத்து பேசிய மு.க.ஸ்டாலின், “திராவிட மாடல் அரசின் கனவு திட்டமான தந்தை பெரியார் பெயரில் கட்டப்பட்டும் இந்த அறிவு உலகத்தை பார்க்கக்கூடிய வாய்ப்பு கிடைத்தது. ஏற்கெனவே இதை நான் பார்த்திருந்தாலும், திறந்து வைக்கப்பட்ட பிறகு, முழுமை அடைந்த பிறகு இன்று நானும், ஆசிரியர் வீரமணியும் பார்த்தோம். அதிகம் கூட்டம் இருந்த காரணத்தால் பொறுமையாக அனைத்தையும் பார்க்க முடியாத சூழல் இருந்தது. அதனால் இன்னொரு முறை நிச்சயமாக வந்து முழுமையாகப் பார்க்க வேண்டும் என்ற ஆசை இருக்கிறது. இந்த நேரத்தில் தமிழகம் போய்க்கொண்டிருக்கக்கூடிய சூழ்நிலையில், திராவிட இயக்கம் என்றால் என்ன? திராவிடம் என்றால் என்ன? பெரியார் உணர்வுகள் என்ன? லட்சியம் என்ன? என்பதை அறிந்து கொள்ள, இளைஞர்கள் மாணவர்கள் இதை நல்ல நிலையில் பார்த்து அறிவுத்திறனை வளர்த்துக் கொள்ள வேண்டும் என்பது அன்பான வேண்டுகோள்.

ஏற்கெனவே திமுக ஆட்சியில் கலைஞர் முதலமைச்சராக இருந்தபோது அண்ணா நூற்றாண்டு நூலகம் உருவாக்கினார். அதன் பின்பு தி.மு.க ஆட்சியில் மதுரையில் கலைஞர் பெயரில் நூற்றாண்டு நூலகம் அமைக்கப்பட்டது. அதைத் தொடர்ந்து நெல்லையில் காயிதே மில்லத் பெயரிலும், திருச்சியில் காமராஜர் பெயரிலும் நூலகங்கள் அமைக்கும் பணிகள் நடைபெற்று வருகின்றன. நல்லவேளை இந்த தந்தை பெரியார் அறிவுலகத்தைப் பொறுத்தவரை 99 சதவிகிதம் வேலை முடிந்துவிட்டது. பாதியில் நிறுத்தி இருந்தால், இந்த அரசு மூடு விழா நடத்தி இருந்தாலும் ஆச்சர்யமில்லை. நல்ல வேளை தப்பித்து விட்டது. இதேபோல மற்ற நூலகங்களும் வரவேண்டும் என்ற விருப்பத்தை உங்கள் மூலம் தெரிவித்துக் கொள்கிறேன்” எனத் தெரிவித்தார்.

More in TamilNews

பவன் கல்யாண் விவாகரத்து.. 3வது மனைவி அன்னா லெஷ்னேவாவை பிரிய முடிவெடுத்துள்ளதாக அறிவிப்பு! November 9, 2026 டென்ஷன் ஆன விஜய்.. ஒருத்தர் விடாமல் எல்லோரும் சென்னைக்கு வாங்க.. தவெக MLA-க்களுக்கு பறந்தது உத்தரவு! November 9, 2026 கழிவுநீர் தொட்டியில் விஷவாயு தாக்கி 3 பேர் பலி.. ஓசூர் அருகே டாடா நிறுவனத்தில் சோகம்! November 9, 2026 “அமெரிக்க இடைத்தேர்தல் நேர்மையாக நடந்ததா?” – டிரம்ப் கிளப்பிய சந்தேகம்.. நிலைப்பாட்டில் ட்விஸ்ட்! November 9, 2026 தீபாவளி ஓவர்.. சென்னைக்கு கூட்டம் கூட்டமாக வந்த மக்கள்! கிளாம்பாக்கத்தில் அலைமோதிய மக்கள் கூட்டம் November 9, 2026 நைட்டு பேய் மழை இருக்கு! கோயம்புத்தூர் தொடங்கி கன்னியாகுமரி வரை.. 12 மாவட்டங்களுக்கு மஞ்சள் அலர்ட்! November 9, 2026

See all 650 in TamilNews →

Latest News

Paul McCartney and Ringo Starr to Reunite at Las Vegas Show in 2027 November 9, 2026 Judge Sets Steven Tyler Sex Assault Trial Date November 9, 2026 Pink Becomes First Solo Female Pop Artist to Headline the Sphere November 9, 2026 Hear Bob Dylan Play ‘Love and Theft’ Classic ‘Sugar Baby’ for First Time Since 2012 November 9, 2026 பவன் கல்யாண் விவாகரத்து.. 3வது மனைவி அன்னா லெஷ்னேவாவை பிரிய முடிவெடுத்துள்ளதாக அறிவிப்பு! November 9, 2026 GTA 5’s Trevor Should Be In GTA 6 Sitting On The Toilet To “Pass The Torch,” Actor Says November 9, 2026