அக்னிவீரர்கள்: கூடுதலாக 2 ஆண்டுகள் ராணுவப் பணி; நிரந்தரப் பணிக்குத் மீண்டும் வாய்ப்பு; முழு விவரம்

ராணுவத்தில் சேர வேண்டும், நாட்டுக்காகப் பணியாற்ற வேண்டும் என்ற கனவுடன் அக்னிபத் திட்டத்தில் இணையும் இளைஞர்களுக்கு முக்கிய அறிவிப்பு வெளியாகியுள்ளது.

நான்கு ஆண்டுகள் மட்டுமே பணியாற்ற முடியும் என்ற நிலை மாறி, இனி மேலும் இரண்டு ஆண்டுகள் சேவையைத் தொடர வாய்ப்பு வழங்கப்படுவதாக அறிவிக்கப்பட்டுள்ளது.

அது மட்டுமின்றி, நிரந்தர ராணுவப் பணியில் சேரவும் மீண்டும் ஒரு வாய்ப்பு கிடைக்க உள்ளது.

என்ன இந்த அக்னிபத் திட்டம்?

கடந்த 2022-ம் ஆண்டு அறிமுகப்படுத்தப்பட்ட அக்னிபத் திட்டத்தின் கீழ், 17.5 முதல் 21 வயது வரையிலான இளைஞர்கள் அக்னி வீரர்களாகத் தேர்வு செய்யப்பட்டு, ராணுவம், கடற்படை மற்றும் விமானப்படையில் நான்கு ஆண்டுகள் பணியாற்றி வருகின்றனர்.

நான்கு ஆண்டுகள் முடிந்ததும் அதிகபட்சம் 25 சதவீதம் பேர் மட்டுமே நிரந்தரப் பணிக்குத் தேர்வு செய்யப்படுவார்கள். மற்ற 75 சதவீதம் பேர் பணியிலிருந்து வெளியேற வேண்டிய நிலை இருந்தது.

இனி ஆறு ஆண்டுகள் சேவை! புதிய அறிவிப்பின்படி, முதல் நான்கு ஆண்டுகள் முடிந்த பிறகு நிரந்தரப் பணிக்குத் தேர்வாகாத அக்னிவீரர்களுக்கு மேலும் இரண்டு ஆண்டுகள் பணியாற்ற வாய்ப்பு வழங்கப்படும். இதன் மூலம் மொத்தம் ஆறு ஆண்டுகள் வரை சேவையாற்ற முடியும்.

கூடுதல் இரண்டு ஆண்டுகள் முடிந்த பிறகு, நிரந்தரப் பணியில் சேர விரும்புவோர் மீண்டும் தேர்வில் பங்கேற்கலாம். அவர்களின் உடற்தகுதி மற்றும் செயல்திறன் அடிப்படையில் தேர்வு நடைபெறும்.

ஊதிய உயர்வும் புதிய சலுகைகளும்!

கூடுதல் இரண்டு ஆண்டுகள் பணியாற்றுபவர்களுக்கு அதிக ஊதியம் வழங்கப்படும் என்றும், சேவையை நிறைவு செய்து வெளியேறுபவர்களுக்கான சேவா நிதித் தொகையிலும் உயர்வு இருக்கும் என்றும் தெரிவிக்கப்பட்டுள்ளது.

மேலும், அக்னிவீரர்கள் பெறும் பயிற்சி மற்றும் திறன்களுக்குச் சான்றிதழ்களும் வழங்கப்பட உள்ளன. ஆட்சேர்ப்பு நடைமுறையிலும் மாற்றம் செய்யப்பட்டுள்ளது. இனி முதலில் எழுத்துத் தேர்வும், அதன் பின்னர் உடற்தகுதித் தேர்வும் நடைபெறும்.

முதல் கட்ட அக்னிவீரர்களுக்கு முக்கியத்துவம்!

திட்டத்தின் முதல் கட்டத்தில் தேர்வு செய்யப்பட்ட சுமார் 18,300 அக்னிவீரர்கள் 2026-ம் ஆண்டு டிசம்பரில் நான்கு ஆண்டு சேவையை நிறைவு செய்யவிருந்த நிலையில் இந்த அறிவிப்பு வெளியாகியுள்ளது.

அக்னிபத் திட்டம் ரத்து செய்யப்படவில்லை. அதன் நான்கு ஆண்டு அடிப்படை முறை தொடரும். கூடுதலாக இரண்டு ஆண்டுகள் சேவையாற்றவும், அதன் பின்னர் நிரந்தரப் பணிக்காக மீண்டும் முயற்சி செய்யவும் வாய்ப்பு வழங்கப்படுவதே இந்த மாற்றத்தின் முக்கிய அம்சமாகும்.

More in TamilNews

`லயோலா மணி புகார் கொடுத்திருக்கணும்; அமைச்சருக்கே விழிப்புணர்வு இல்லையா?'- வழக்கறிஞர் சொல்வது என்ன? November 5, 2026 US Elections: அமெரிக்க செனட் வரலாற்றில் முதல் தன்பாலின ஈர்ப்பாளர்; இணையுடன் மேடையேறிய கிறிஸ் பப்பாஸ் November 5, 2026 இடைத்தேர்தல் ரேஸ்: ED போடும் பிரஷர்… விராலிமலையை வசமாக்க முயற்சியில் 'ரசகுல்லா' விஜயபாஸ்கர்! November 5, 2026 6am Special Show: "பொழுதுபோக்குக்கு முன்னுரிமை கொடுத்து எந்தச் சமூகம் வளர்ந்திருக்கிறது?" – சீமான் November 5, 2026 வாளுடன் வன்முறை வீடியோ: 34 வழக்குகள், 9 கைது, 210 அக்கவுண்ட்கள் முடக்கம்; சிவகங்கையில் அதிரடி November 5, 2026 'முதலமைச்சரே மாணவர்களிடம் பாரபட்சம் காட்டலாமா?' – சர்ச்சையாகும் தவெகவின் கல்வி விருது! November 5, 2026

See all 604 in TamilNews →

Latest News

Madras High Court grants anticipatory bail to Chennai Press Club president, two other journalists November 5, 2026 `லயோலா மணி புகார் கொடுத்திருக்கணும்; அமைச்சருக்கே விழிப்புணர்வு இல்லையா?'- வழக்கறிஞர் சொல்வது என்ன? November 5, 2026 தீபாவளி லீவுக்கு மழை இருக்குமா? சென்னை வானிலை மையம் கொடுக்க முக்கிய அப்டேட்! November 5, 2026 US Elections: அமெரிக்க செனட் வரலாற்றில் முதல் தன்பாலின ஈர்ப்பாளர்; இணையுடன் மேடையேறிய கிறிஸ் பப்பாஸ் November 5, 2026 How the work of two Nobel Prize winners can guide policy in an uncertain world November 5, 2026 ‘Vetri Special Vegetables Kit’ with 10 varieties launched in Tamil Nadu at ₹100 November 5, 2026