இந்தியா வரவிருந்த நார்வே பத்திரிகையாளரின் விசா ரத்து; அரசியல் கட்சிகள் கண்டனம் – இதுதான் காரணமா?

நார்வே நாட்டை சேர்ந்த சுயாதீன பத்திரிகையாளர் ஹெல் லிங், இந்தியா வருவதற்கான விசா ரத்து செய்யப்பட்டிருக்கும் சம்பவம், பேசுபொருளாகியிருக்கிறது. இந்தச் சம்பவத்திற்கு காங்கிரஸ் மற்றும் திரிணாமுல் காங்கிரஸ் கட்சிகள் கண்டனம் தெரிவித்திருக்கின்றன.

பத்திரிகையாளர் ஹெல் லிங் இந்தியா வருவதற்கான காரணம்

காங்கிரஸ் கட்சியின் சார்பில் ஹைதராபாத்தில் நவம்பர் 13,14 ஆகிய நாள்களில் பாரத் உச்சி மாநாடு நடைபெற இருக்கிறது. இந்த மாநாட்டில் பங்கேற்று எதிர்கால ஊடகம் மற்றும் பத்திரிகை சுதந்திரம் குறித்து உரையாற்ற இருந்தார் நார்வே நாட்டைச் சேர்ந்த பத்திரிகையாளர் ஹெல் லிங். ஆனால் இவர் இந்தியா வருவதற்கான விசா உள்துறை அமைச்சகத்தால் ரத்து செய்யப்பட்டுள்ளது.

பத்திரிகையாளர் ஹெல் லிங் விசா ரத்து செய்யப்பட காரணம் என்ன?

கடந்த 2026 மே மாதம், நார்வே நாட்டின் ஒஸ்லோவில் நடந்த இந்தியா மற்றும் நார்வே இருநாட்டு தலைவர்களின் பேச்சுவார்த்தைக்கு பிறகு பிரதமர் மோடி மற்றும் நார்வே பிரதமர் ஜோனாஸ் கார் ஸ்டோர் ஆகியோர் ஊடங்களுக்கு அறிக்கை அளித்த பிறகு, ஹெல் லிங் பிரதமர் மோடியிடம் கேள்வி கேட்க முயன்றிருந்தார். இதன் காரணமாகவே ஹெல் லிங்கின் விசா ரத்து செய்யப்பட்டுள்ளதாக எதிர்க்கட்சிகள் தெரிவிக்கின்றன.

இது குறித்து ஹெல் லிங் தனது எக்ஸ் பதிவில்,

நார்வேயில் உள்ள இந்திய தூதரகத்தால் வழங்கப்பட்ட தனது விசா ரத்து செய்யப்பட்டது குறித்து உள்துறை அமைச்சர் அமித் ஷாவிற்கு கேள்வி எழுப்பியுள்ளார். மேலும், விமான நிலையத்திற்கு செல்வதற்கு சில நிமிடங்களுக்கு முன் தனது விசா ரத்து செய்யப்பட்டிருப்பதாகவும், உலகின் மிகப்பெரிய ஜனநாயக நாட்டிற்கு செல்ல அமித் ஷா தன்னை அனுமதிப்பார் என நம்புவதாகவும் தெரிவித்துள்ளார்.

காங்கிரஸ் கட்சி கண்டனம்

ஹெல் லிங் விசா ரத்து செய்யப்பட்டது குறித்து காங்கிரஸ் கட்சி, பிரதமர் மோடி நார்வே நாட்டிற்கு சென்றிருந்த போது ஹெல் லிங் அவரிடம் கேள்வி கேட்க முயன்ற சம்பவத்தைக் குறிப்பிட்டு, அரசு ஏன் கேள்விகளை கண்டு அஞ்சுகிறது ? என கண்டனம் தெரிவித்துள்ளது.

பிரதமர் மோடியை கேள்வி கேட்டது மட்டுமே ஹெல் லிங் செய்த குற்றமாக தெரிகிறது!

இது தொடர்பாக இந்திய பதிப்பாளர்கள் சங்கம் ( Editors Guild of India ) அறிக்கை ஒன்றை வெளியிட்டுள்ளது. அதில் பிரதமர் மோடியை கேள்வி கேட்டது மட்டுமே ஹெல் லிங் செய்த குற்றமாக தெரிகிறது. மேலும், கடைசி நேரத்தில் ஹெல் லிங்கின் விசா ரத்து செய்யப்பட்ட காரணம் குறித்து புரிந்துகொள்ள முடியவில்லை. இத்தகைய நடவடிக்கைகள் அதிகாரத்துவத்தின் அத்துமீறலை காட்டுவதோடு உலகின் மிகப்பெரிய ஜனநாயக நாடு இந்தியா என்ற பிம்பத்திற்கு பெரும் பாதிப்பை ஏற்படுத்துகின்றன. பேச்சு சுதந்திரம் என்பது, எல்லா ஜனநாயக நாடுகளும் கடைபிடிக்கும் கொள்கைகளில் ஒன்றாகும். இது அரசியலமைப்பு சட்டம் 19 (a)(1) -ன் படி அடிப்படை உரிமையாகும். ஹெல் லிங்கின் விசா ரத்து செய்யப்பட்டதற்கான காரணங்களை அரசு தெரிவிக்க வேண்டும் என அந்த அறிக்கையில் சொல்லப்பட்டுள்ளது.

Junior Vikatan-ன் பிரத்யேக Whatsapp Group…

இணைவதற்கு இங்கே க்ளிக் செய்யவும்… https://tinyurl.com/2b963ppb

வணக்கம்,

BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb

More in TamilNews

கடலூரில் கன்பார்ம் ஆன பறவைக் காய்ச்சல்.. கோழிகள் கொத்துக் கொத்தாக பலி.. கதிகலங்கும் பண்ணையாளர்கள் November 14, 2026 ஆரணியில் தொட்டு தொட்டுப் பேசி சில்மிஷம்.. தவெக அலுவலகத்துக்கே பூட்டு.. யார் இந்த திருவண்ணாமலை சத்யா? November 14, 2026 45 நாட்களாக ஆட்டம் காட்டிய செம்மறி ஆடு.. குதிரையில் ஏறி 13 வயது சிறுமி செய்த காரியம்.. வியந்த மக்கள் November 14, 2026 "வெளியே சொன்னால் கொன்னுடுவேன்".. 14 வயது சிறுமியை அழைத்து சென்று காங்., எம்எல்ஏ செய்த செயல்! ஷாக் November 14, 2026 பிக் பாஸை விட்டு அதிரடியாக வெளியேற்றப்படும் நபர்.. ஜேசன் இல்ல! TTF வாசன் முயற்சி வீணாகபோச்சு November 14, 2026 TTF வாசனை அடிக்க பாய்ந்த ஜேசன்.. வண்டியை வேற பக்கம் திருப்பிய விஜய் சேதுபதி.. ஆட்டமே மாறி போச்சு November 14, 2026

See all 734 in TamilNews →

Latest News

Richard Sterban, Oak Ridge Boys’ Bass Singer, Dies at 83 November 15, 2026 Mike Matthews injury update: Tennessee WR seen on crutches after exiting Texas A&M game early November 15, 2026 Chris Pratt “Would Love” to Make a Fourth ‘Guardians of the Galaxy’ Film With James Gunn “If He Wanted to” Amid DC Exit November 14, 2026 Inside the Plane Where Simple Plan, Hoobastank and More Performed Mid-Flight as Planes Were Grounded Across the U.S. November 14, 2026 Nerveless Andreeva reaches WTA Finals showpiece November 14, 2026 Arsenal target Nusa could cost £66m – Sunday's gossip November 14, 2026