மீசைய முறுக்கு 2: “அந்தச் சூழலில் நானும் ஆதி அண்ணனும் Dressக்குப் பட்ட பாடு…" – ஹர்ஷத் கான் கலகல

கல்லூரி மாணவனின் கனவு, காதல், வாழ்க்கைப் போராட்டம் ஆகியவற்றை மையமாகக் கொண்டு உருவான ‘மீசைய முறுக்கு’ திரைப்படம் ரசிகர்களிடையே மிகப்பெரிய வரவேற்பைப் பெற்றது.

அந்த வெற்றியைத் தொடர்ந்து தற்போது ‘மீசைய முறுக்கு 2’ படத்தை ஹிப் ஹாப் ஆதி இயக்கி, கதாநாயகனாகவும் நடித்துள்ளார்.

சுந்தர் சி – குஷ்பு தயாரிக்கும் ‘மீசைய முறுக்கு 2’ திரைப்படத்தில் சைத்ரா, கெட்டிகா சர்மா, ரம்யா ரங்கநாதன் ஆகியோர் கதாநாயகிகளாக நடித்துள்ளனர். மேலும் கேத்திகா ஷர்மா, யூடியூபர் ஹர்ஷத் கான், நாசர், கருணாஸ், ஆடுகளம் நரேன் உள்ளிட்ட பலரும் முக்கிய கதாபாத்திரங்களில் இடம்பெற்றுள்ளனர்.

இந்தப் படத்தின் செய்தியாளர் சந்திப்பு சென்னையில் நடைபெற்றது. அதில் பேசிய நடிகர் ஹர்ஷத் கான், “2017-ல் ‘மீசைய முறுக்கு’ முதல் பாகம் வெளியானபோது, அது கல்லூரி இளைஞர்களின் வாழ்க்கையையும் காதலையும் மிகச் சரியாகப் பிரதிபலித்த படமாக அமைந்தது. இப்போது 9 ஆண்டுகளுக்குப் பிறகு அதன் இரண்டாம் பாகம் உருவாகியுள்ளது.

இது அவசர அவசரமாக லாபத்திற்காக எடுக்கப்பட்ட கதையல்ல. இந்த 9 ஆண்டுகளில் திரையுலகில் ஏற்பட்ட மாற்றங்கள், கற்றுக் கொண்ட பாடங்கள் மற்றும் பல்வேறு மனிதர்களின் வாழ்க்கை அனுபவங்களைச் சேகரித்து ஆதி அண்ணன் உருவாக்கியுள்ள திரைக்கதை இது. இந்தக் காலகட்டத்திற்குத் தேவையான மிக முக்கிய விஷயங்களைத் தைரியமாகப் பேசியுள்ளார்.

ஸ்டுடியோவில் ஆதி அண்ணனைச் சந்தித்தபோதே அவரது அசாத்தியமான ஆற்றலையும் பாசிட்டிவ் வைப்பையும் பார்த்து வியந்தேன். அவருடன் பணியாற்றியது மறக்க முடியாத அனுபவம். குறிப்பாக திரைப்படத்தில் வரும் ஒரு நகைச்சுவைக் காட்சித் தொடருக்காக, நானும் ஆதி அண்ணனும் பச்சை இலை தழைகளை டிரஸாகப் போட்டுக்கொண்டு நடித்தோம்.

வெயிலிலும் அந்தச் சூழலிலும் நாங்கள் ஆடைக்காகப்பட்ட பாடும், அதன் பின்னணியில் நடந்த நிகழ்வுகளும் தியேட்டரில் ரசிகர்களைப் பெருமளவில் சிரிக்க வைக்கும் என நம்புகிறேன். இத்திரைப்படம் ஒரு சாதாரண திரைப்படமாக இல்லாமல், இசையை மையமாகக் கொண்ட ஒரு கொண்டாட்டமாக இருக்கும்.

படத்தில் சுமார் 12 முதல் 13 பாடல்கள் இடம்பெற்றுள்ளன. ஒவ்வொரு 5 நிமிடத்திற்கும் ஒரு பாட்டு எனப் படம் முழுவதுமே இசை அலைவரிசையில்தான் பயணிக்கிறது. ஒவ்வொரு பாடலும் வெவ்வேறு உணர்வுகளையும், இளைஞர்களைக் கவரும் வேகத்தையும் கொண்டது. குறிப்பாக இதன் கிளைமாக்ஸ் பாடல் அனைவருக்குள்ளும் ஒரு புதிய வெறியையும் நம்பிக்கையையும் தூண்டும் வகையில் அமைந்துள்ளது.

பாபா பாஸ்கர் மாஸ்டரின் நடனம், சைத்ரா மற்றும் ரம்யா ஆகியோரின் பங்களிப்பு என ஒட்டுமொத்தப் படக்குழுவின் உழைப்பு மிகப் பெரியது. ‘மீசையமுறுக்கு 2’ திரைப்படம் வரும் செப்டம்பர் 25-ம் தேதி உலகமெங்கும் திரையரங்குகளில் வெளியாகவுள்ளது. அனைவரும் திரையரங்கிற்கு வந்து ஆதரவளிக்க வேண்டும்” எனக் கேட்டுக் கொண்டார்.

More in Cinema

இளையராஜா இசையில் கீர்த்தி சுரேஷ்.. கார்த்திக் சுப்புராஜின்  டோரதி டிரைலர் வெளியீடு! September 18, 2026 The Dark Heaven Review: அமானுஷ்யம், மர்மப் புத்தகம், துப்பறியும் களம் – ஆனாலும் சொதப்புவது எங்கே? September 18, 2026 ஜெயிலர் 2.. முதல் இன்ட்ரோவே தாறுமாறா இருக்கே.. சுராஜ் வெஞ்சரமூடு தான் மெயின் வில்லனா? September 18, 2026 அந்த மாதிரி கேரக்டர்ல நடிக்க மாட்டேன்.. கண்டிஷன் போடும் லோகேஷ் கனகராஜ் பட நடிகை! September 18, 2026 சமுத்திரக்கனி நடிக்கும் ‘கஸ்தூரி வீடு’ படத்தின் டீசர் எப்படி இருக்கு? September 18, 2026 மனைவிக்கு போன் செய்து தொல்லை.. வடிவேலுவை மிரட்டிய விஜயகாந்த்.. ஜெயமணி பேட்டி! September 18, 2026

See all 192 in Cinema →

Latest News

பர்ஸில் பணம் தங்கவே இல்லையா? பிறந்த தேதிக்கு ஏற்ற இந்த ஒரு பொருளை வைத்து பாருங்களேன் September 18, 2026 Worcestershire halt Durham's winning run (with aid of rain) September 18, 2026 “இந்தி வேண்டாம் என்பதால் தமிழ்நாடு தனிநாடு ஆகவில்லை; தனித்தன்மையுடன் இயங்குகிறது” – உதயநிதி September 18, 2026 How run clubs are getting the city moving September 18, 2026 'உளவுத்துறை கொடுத்த ரிப்போர்ட்…' – முதல்வர் விஜய்யின் இடைத்தேர்தல் பிரசார பிளான் என்ன? September 18, 2026 Chauhan, Anvay Dravid shine as India Under-19s clinch thriller September 18, 2026