இந்தியா கூட்டணி பேரணி: “நீங்கள் கூறிய 10 லட்சம் மக்கள் எங்கே? " – விமர்சிக்கும் பாஜக

தேர்தல் நடைமுறைகளில் “வாக்குத் திருட்டு” (Vote Chori) நடைபெறுவதாகக் குற்றம் சாட்டி, தலைமைத் தேர்தல் ஆணையர் ஞானேஷ் குமார் பதவியை ராஜினாமா செய்யக் கோரி ‘இந்தியா’ கூட்டணி தலைவர்கள் டெல்லியில் நேற்று பிரம்மாண்ட போராட்டப் பேரணியை நடத்தினர். காங்கிரஸ் தலைவர் மல்லிகார்ஜுன கார்கேயின் இல்லத்தில் மக்களவை எதிர்க்கட்சித் தலைவர் ராகுல் காந்தி, காங்கிரஸ் பொதுச்செயலாளர் பிரியங்கா காந்தி வத்ரா, சமாஜ்வாதி கட்சித் தலைவர் அகிலேஷ் யாதவ், திரிணமூல் காங்கிரஸ் தலைவர்கள் மம்தா பானர்ஜி, அபிஷேக் பானர்ஜி, சி.பி.ஐ.(எம்) தலைவர் எம்.ஏ. பேபி, சி.பி.ஐ. தலைவர் டி. ராஜா, சி.பி.ஐ.(எம்.எல்) பொதுச்செயலாளர் தீபங்கர் பட்டாச்சார்யா, ஜம்மு காஷ்மீர் தேசிய மாநாட்டுக் கட்சித் தலைவர் பரூக் அப்துல்லா மற்றும் பி.டி.பி. தலைவர் மெஹபூபா முஃப்தி உள்ளிட்ட முக்கியத் தலைவர்கள் ஒன்று திரண்டனர்.

அங்கிருந்து புறப்பட்டு மின்டோ சாலைக்கு வந்து, டெல்லி மின்டோ சாலை – கான்ஃபாட் பிளேஸ் சந்திப்பிலிருந்து திறந்தவெளி வாகனத்தில் ஆயிரக்கணக்கான தொண்டர்களுடன் ராம்லீலா மைதானத்தை நோக்கி அணிவகுத்துச் சென்றனர். “வாக்கைக் காப்போம், தேசத்தைக் காப்போம்” என்ற முழக்கத்துடன் தொடங்கிய இந்த எதிர்ப்புப் பேரணியில், ‘இந்தியா’ கூட்டணிக் கட்சிகளின் கொடிகளையும் பேனர்களையும் ஏந்தியபடி ஆயிரக்கணக்கான தொண்டர்கள் மற்றும் இளைஞர் அமைப்பினர் திரளாகக் கலந்துகொண்டனர்.

பல்வேறு மாநிலங்களில் இருந்து முன்கூட்டியே டெல்லிக்கு வந்து சேர்ந்த தொண்டர்களின் கூட்டத்தால், பிற்பகல் 1:30 மணியளவில் ராம்லீலா மைதானப் பகுதி மக்கள் வெள்ளமாக மாறியது. மோடி அரசுக்கும் தலைமைத் தேர்தல் ஆணையர் ஞானேஷ் குமாருக்கும் எதிராக அவர்கள் தீவிர முழக்கங்களை எழுப்பினர். இந்தப் பேரணிக்கு முந்தைய நாள், காங்கிரஸ் தலைவர் மல்லிகார்ஜுன கார்கேயின் இல்லத்தில் நாடாளுமன்ற வடிவிலான கூட்டம் ஒன்று நடத்தப்பட்டது.

முன்னாள் மக்களவை சபாநாயகர் மீரா குமார் தலைமை தாங்கிய அக்கூட்டத்தில், எதிர்க்கட்சி எம்.பி.க்கள், தலைவர்கள் மற்றும் சமூக ஆர்வலர்கள் பங்கேற்று, தலைமைத் தேர்தல் ஆணையர் ஞானேஷ் குமாருக்கு எதிராகக் குறியீட்டு முறையில் “மக்களின் நம்பிக்கையில்லா தீர்மானம்” (Public Impeachment) கொண்டு வந்தனர். தேர்தலில் வாக்குகளை நீக்கி முறைகேடு செய்ததாகக் குற்றம் சாட்டிய தலைவர்கள், அவர் மீது தேசத்துரோக வழக்குப்பதிவு செய்து சிறையில் அடைக்க வேண்டும் என்றும் வலியுறுத்தினர் என்பது குறிப்பிடதக்கது.

இந்தப் பேரணி குறித்து பா.ஜ.க எம்பி சம்பித் பாத்ரா, “ராகுல் காந்தி பேசிக்கொண்டிருக்கிறார். ஆனால் நாற்காலிகள் காலியாகக் கிடக்கின்றன. 50,000 பேர் மட்டுமே கொள்ளளவு கொண்ட ராம்லீலா மைதானத்தைக் கூட காங்கிரஸால் முழுமையாக நிரப்ப முடியவில்லை. இது ஒரு சூப்பர் பிளாப் பேரணி. நேற்று காலை முதலே நாங்கள் இந்தப் பேரணியையும், ராகுல் காந்தியின் உரையையும் கவனித்து வருகிறோம். ஆனால் இறுதியாக இது ஒரு ‘முழுமையான நேர விரயம்’ என்றே தோன்றுகிறது. அவர்கள் கூறிய 10 லட்சம் மக்கள் எங்கே? எங்களுக்குக் காட்டுங்கள். இதுபோன்ற தந்திரங்களால் யாரும் தலைவரோ அல்லது பிரதமரோ ஆகிவிட முடியாது.

‘PM’ என்றால் வெறும் ‘Prime Minister’ (பிரதமர்) மட்டும் அல்ல. P என்றால் ‘Paseena’ (வேர்வை), M என்றால் ‘Mehnat’ (உழைப்பு). வேர்வையினாலும் கடின உழைப்பினாலும்தான் ஒரு பிரதமர் உருவாகிறார். இத்தனை கட்சிகளையும் கொடிகளையும் ஒன்று திரட்டியும் கூட அவர்களால் 10 லட்சம் பேரைச் சேர்க்க முடியவில்லை. எதிர்க்கட்சியினர் கூட்டத்தைப் பெரிதாகக் காட்டுவதற்காகக் கேமரா கோணங்களை பயன்படுத்தி புகைப்படத் தந்திரங்களில் ஈடுபட்டிருக்கின்றனர்.

ராகுல் ஜி, இந்துஸ்தான் ஒன்றும் உங்கள் முப்பாட்டனாரின் சொத்து அல்ல. இந்துஸ்தான் என்பது இந்தியர்களுக்குச் சொந்தமானது. இங்கே ஒரு டீ விற்பவரால் கூட பிரதமராக முடியும் அதுதான் உங்களுக்கு எரிச்சலை ஏற்படுத்துகிறது” என்றும் சாடியிருக்கிறார்.

Junior Vikatan-ன் பிரத்யேக Whatsapp Group…

இணைவதற்கு இங்கே க்ளிக் செய்யவும்… https://tinyurl.com/2b963ppb

வணக்கம்,

BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/2b963ppb

More in TamilNews

முகேஷ் அம்பானி உலகப் பணக்காரர்.. திவாலாகும் அனில் அம்பானி? உலகமே அறிய வேண்டிய அண்ணன் தம்பி பாடம் November 4, 2026 'பிரஷர் ஏறி நொந்து போயிருக்கேன்!' – 20% கமிஷன் சர்ச்சை; கொதிக்கும் தவெக எம்.எல்.ஏ குழந்தைராணி! November 4, 2026 "அங்கிள் விஜய் அவர்களே, இது சாதாரண ஆபீஸ் வேலை கிடையாது!" – மு.க. ஸ்டாலின் தாக்கு! November 4, 2026 இனி இந்திய கப்பல்கள் ஹார்முஸ் ஜலசந்தியில் சீறிப்பாயலாம்.. 4 நாடுகளுக்கு மட்டும் ஈரான் அனுமதி November 4, 2026 "அலறும் ஈரான்".. இந்தியா உள்பட 4 நாடு கப்பல்களுக்கு மட்டும் ஹார்முஸ் சந்தியில் அனுமதி ஏன்? பின்னணி November 4, 2026 “ஒரே நாடு, ஒரே தேர்தல் என்ற தலைப்பில் விதிகளுக்குப் புறம்பாக கல்லூரி நிகழ்வு…" – சு.வெங்கடேசன் November 4, 2026

See all 640 in TamilNews →

Latest News

Kellogg's admits snap, crackle and pop is quieter after uproar over Rice Krispies recipe change November 4, 2026 Sonic the Hedgehog Shows Up in New Angry Birds 3 Trailer for Some Reason November 4, 2026 KFC Reveals Official Avengers: Doomsday Menu 'Worthy' of Dr. Doom November 4, 2026 The Budget-Friendly Flashforge Adventurer 5M 3D Printer Drops to a Mere $131 Ahead of Black Friday November 4, 2026 Watch: PM and Ed Miliband play steel drums in Antigua November 4, 2026 Photos: Iran marks US embassy takeover with rallies against US, Israel November 4, 2026