டோரதி: 'படத்திற்கு எதிர்ப்பு வந்தாலும் நான் கண்டுகொள்ளவில்லை, ஏனென்றால்..!'- கார்த்திக் சுப்புராஜ்

மக்களிடம் நல்ல வரவேற்பைப் பெற்ற ‘டோரதி’ படத்தின் வெற்றி விழா கொண்டாட்டம் நேற்று (அக.7) நடைபெற்றது.

இதில் கலந்துகொண்டு பேசிய இயக்குநர் கார்த்திக் சுப்புராஜ், “நான் நம்பும் இரண்டு விஷயங்களை இந்தப் படம் நிறைவேற்றி இருக்கிறது. ஒன்று நாம் பேசக்கூடாது, படம் பேச வேண்டும் என்று நினைத்தேன். அது நடந்துவிட்டது.

மற்றொரு விஷயம் சினிமா ஓர் ஆயுதம். அதனால் எதையும் மாற்ற முடியும். மக்களின் மனதை மாற்ற முடியும், சமூகத்தை மாற்ற முடியும் என்று நான் எப்போதும் நம்புவேன்.

‘டோரதி’ என்ற கதை எனக்கு எங்கு உருவானது என்றே தெரியவில்லை. திருநங்கைகளின் வாழ்க்கையை பட பண்ண வேண்டும் என்று மட்டுமே நினைத்தேன்.

பாலின பாகுப்பாடு இல்லாமல் மனிதர்களை மனிதர்களாகப் பார்த்தால் போதும். ‘நீங்கள் குறு குறு என்று பார்ப்பதால் தான் நாங்கள் பிச்சை எடுக்கிறோம், பாலியல் தொழில் செய்கிறோம்’ என்று ஜீவா அக்கா இந்தப் படத்தில் ஒரு டயலாக் சொல்லுவார்கள். அது உண்மை தான்.

நாம் அவர்களை சக மனிதர்களாகப் பார்க்க ஆரம்பித்திருந்தோமானால் அவர்கள் பிச்சை எடுக்கவோ, பாலியல் தொழில் செய்திருக்கவோ மாட்டார்கள். நான் தியேட்டருக்கு சென்று பார்த்தபோது நிறைய ஆண்களும், பெண்களும் அழுதார்கள்.

இதுவரைக்கும் நாங்கள் பார்த்த பார்வைக்கும், இனிமேல் நாங்கள் திருநங்கைகளைப் பார்க்கும் பார்வைக்கும் கண்டிப்பாக வித்தியாசம் இருக்கும்.

இந்தப் படம் எங்களுக்குள் மாற்றத்தைக் கொண்டு வந்திருக்கிறது என்று நிறைய பேர் சொன்னார்கள். அதுதான் இந்தப் படத்தின் மிகப்பெரிய வெற்றியாக நான் பார்க்கிறேன்.

இந்தப் படத்திற்கு ஆரம்பத்தில் எதிர்ப்புகள் வந்தாலும் நான் கண்டுகொள்ளவில்லை. ஏன்னென்றால் நான் தியேட்டருக்கு சென்று பார்த்தபோது மக்கள் எங்களுக்கு அவ்வளவு ஆதரவு கொடுத்தார்கள்” என்று பேசியிருக்கிறார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/JSk78H7siYK4aL2qO1RglR

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…

உங்கள் வாட்ஸ் அப் மூலமே இணைந்திருங்கள் சினிமா விகடனுடன்…

https://chat.whatsapp.com/JSk78H7siYK4aL2qO1RglR

More in Cinema