மகனின் மரணத்துக்குப் பிறகு, தன் குடும்பத்துக்கு ஏதும் ஆபத்துகள் வராமலிருக்க, வர்மனுக்கு (விநாயகன்) மேலிருக்கும் முதலாளியைத் தேடி வருகிறார் ‘டைகர்’ முத்துவேல் பாண்டியன் (ரஜினிகாந்த்). குடும்பத்துடன் கோயம்புத்தூரில் இருப்பவர், ஒரு கட்டத்தில் கேரள பார்டரில் பழக்கடை வைத்திருக்கும் மூர்த்தியிடம் (நமோ நாராயணா) டிரைவராகச் சேர்கிறார்.
அவர் மூலம் சிலைக்கடத்தல் செய்யும் திலீப்புக்கு (சுராஜ் வெஞ்சரமூடு) சுத்துப் போடுபவர், அனைவருக்கும் பாஸாக இருக்கும் போதி கல்பக்கை (எஸ்.ஜே.சூர்யா) நெருங்கினாரா என்பதே படத்தின் கதை.
டைகர் முத்துவேல் பாண்டியனாக ஸ்டைலான நடை, கூலிங்கிளாஸ் ஆக்ஷன், துப்பாக்கி அதிரடி என ஃபுல் ஃபார்மில் ரஜினிகாந்த். நேரடி சண்டைக்காட்சிகள், நடனம் போன்றவற்றைத் தவிர்த்தது முதிர்ச்சி! பிரதான வில்லன்களாக சுராஜ் வெஞ்சரமூடு முதல் பாதியையும், எஸ்.ஜே.சூர்யா இரண்டாம் பாதியையும் ஆக்கிரமிக்கின்றனர்.
சுராஜ் வில்லனிசத்தோடு கலகலப்பையும் வழங்க, எஸ்.ஜே.சூர்யா தன் வழக்கமான நடிப்பால் சுவாரஸ்யம் சேர்க்கிறார். வித்தியாச வில்லன் நடிகையாக வித்யா பாலன் மிரட்ட, மிதுன் சக்ரபோர்த்தியும் தேவையான உருட்டல் மிரட்டலை வழங்குகிறார்.
காமெடி ஏரியாவில் அதகளம் செய்யும் வாய்ப்பு நமோ நாராயணாவுக்கு! அதைக் கெட்டியாகப் பிடித்துக்கொண்டு முதல் பாதி முழுக்க திரையரங்கைச் சிதறடிக்கிறார். யோகி பாபு அதற்குத் துணை நிற்க, முதல் பாகத்தில் வந்த ரம்யா கிருஷ்ணன், மிர்னா மேனன் மற்றும் மாஸ்டர் ரித்விக் அதே வேடங்களில் தலைகாட்டுகின்றனர். கேமியோ ஸ்டார்களாக சிவராஜ்குமார், மோகன்லால், ஜாக்கி ஷெராஃப் முதல் பாகத்தின் நீட்சியாகவே வந்து போகின்றனர்.
பல நிலப்பரப்புகளில் நடக்கும் கதையைப் புழுதி பறக்க படமெடுத்து இருக்கிறது விஜய் கார்த்திக் கண்ணனின் கேமரா. கார் வைப்பர் ஷாட், கார் வெடிப்பது, ஸ்லோமோ ஷாட் என விருந்து வைத்திருக்கிறது அவரின் ஒளிப்பதிவு. நிதானமாகத் தொடங்கி, இடைவேளைக்கு முன்னர் வேகமெடுத்து, பின்னர் அதை அப்படியே தக்க வைத்திருக்கிறது ஆர்.நிர்மலின் படத்தொகுப்பு.
பில்டிங் வெடிப்பது, விமானம் வெடிப்பது போன்றவற்றை இன்னும் நேர்த்தியான கிராபிக்ஸில் காட்டியிருக்கலாம். அனிருத் இசையில் பாடல்களே பின்னணி இசையாக ஒலிப்பது மாஸ் கூட்டியிருக்கிறது. ஆனால், ‘அல்லா போலேலே’ பாடலும், இரண்டாம் பாதி ‘பிந்தாஸ்’ பாடலும் வேகத்தடைகளே!
முதல் பாகம் முடிந்து மூன்று மாதங்கள் கழித்து நடக்கிறது கதை. முத்துவேல் பாண்டியனின் சூப்பர் மார்க்கெட் வேலை, குடும்பம் என நகரும் கதையில் நமோ நாராயணாவின் மூர்த்தி கதாபாத்திரம் வந்ததும் சூடு பிடிக்கிறது. சிலைக் கடத்தல், அதை வைத்து வில்லனுக்கு ஸ்கெட்ச், ஆங்காங்கே வெளிப்படும் ‘ஜெயிலர்’ முகம் எனக் காமெடி, அதிரடி கலந்து பறக்கிறது முதல் பாதி.
இடைவேளை சுவாரஸ்யம் சேர்த்தாலும், அதைச் சட்டென காலி செய்கிறது இரண்டாம் பாதியின் முதல் காட்சி. அதன் பிறகு கோவா எபிசோடு மாஸ் கூட்ட, நம்மை நிமிர்ந்து உட்கார வைக்கிறது திரைக்கதை.
ஆனால் கிடைத்த வேகத்தைப் பயன்படுத்தாமல், அதன் பிறகு சுவாரஸ்யம் இழக்கிறது திரைக்கதை. சென்டிமென்ட் காட்சி பாஸானாலும் அதன் பிறகு வரும் சர்ப்ரைஸ் கேமியோ உட்பட, க்ளைமாக்ஸ் வரை நீளும் படலத்தில் புதுமைகள் இல்லை, புத்திசாலித்தனமும் இல்லை லாஜிக்கும் இல்லை. இத்தனை கேமியோக்களுக்கான அவசியமும் இந்தத் திரைக்கதையில் இல்லையே நெல்சன்?
சரியான வேகத்துடனும், மாஸ் படத்துக்கான மீட்டருடனும் கச்சிதமாக இருந்த முதல் பாதியும், ஒரு சில காட்சிகள் தவிர, மனதில் நிற்காத இரண்டாம் பாதியும் ‘ஜெயிலரின்’ இரண்டாம் வருகையை வலுவிழக்கச் செய்திருக்கின்றன. இருந்தபோதும், ரஜினியின் ஆராவும் நெல்சனின் மேக்கிங்கும் படத்தை திரையரங்க விருந்தாக்கியிருக்கின்றன.
வாழ்க்கை பாடம் எடுத்த நெல்சன் திலீப்குமார்.. இவ்வளவு பெரிய வெற்றிக்கு அதுதான் காரணமா?.. இப்படி இருக்காரே?
October 16, 2026
சூப்பர் ஸ்டார் சில்லவுட் போதும்.. அந்த கானல் நீர் ஷாட்.. ’ஜெயிலர் 2’ விமர்சனம் சொன்ன ரத்னகுமார்!
October 15, 2026
திருச்செந்தூர் கோயில் தரிசனம் மாதிரி.. ‘ஜெயிலர் 2’ பார்த்துவிட்டு உருகிய ஆர்த்தி கணேஷ்!
October 15, 2026
Jailer 2 Prashanth's Review – ஜெயிலர் 2 பிரசாந்த் விமர்சனம்.. முழு திருப்தி கிடைக்குமாம்
October 15, 2026
யார் அழிஞ்சாலும் எனக்கு கவலை இல்ல.. கதவுக்கு பின்னால் நடந்த கேமரா சதி.. எதிர்நீச்சல் தொடர்கிறது!
October 15, 2026
ICUவில் அம்மா வரைந்தது.. அர்ச்சனாவின் கையில் இருக்கும் டாட்டூவுக்கு பின்னால் இருக்கும் கண்ணீர் கதை!
October 15, 2026
Chennai’s Tambour and designer Zandra Rhodes collaborate on a limited-edition line of pashminas
October 16, 2026
Chennai’s Area Sabhas fall short as residents remain unaware of meetings; councillors flag fund crunch
October 16, 2026
கோவையில் அறிவுப் புரட்சிக்கு அடித்தளம்…பெரியார் அறிவுலகத்தைத் திறந்து வைத்தார் CM VIJAY!
October 16, 2026
உனக்கு மன்னிப்பே கிடையாது.. நிச்சயிக்கப்பட்ட நபரை கொன்ற பெங்களூர் சுபாவின் கருணை மனு நிராகரிப்பு
October 16, 2026
கோவை சென்றடைந்தார் முதல்வர் விஜய்.. பெரியார் அறிவுலகத்தை திறந்து வைக்கிறார்
October 16, 2026
உயர போகுது மின் கட்டணம்? மின்சார கொள்முதல் விலை உயர்வால் ரேட் ஏறுமா? நிர்மல் குமார் விளக்கம்
October 16, 2026