இதுவரை வாங்கிய ரஷ்ய எண்ணெய்க்கு 'நோ' 100% வரி! ட்ரம்ப்-ன் 'ட்விஸ்ட்'; இந்தியாவுக்குச் சாதகமானதா?

ரஷ்யா – உக்ரைன் போரில் உக்ரைனுக்கு ஆதரவாக நின்று வருகிறது அமெரிக்கா. இந்தப் போர் விரைவில் முடிய வேண்டும் என்றுதான் அதிபரானதிலிருந்து உறுதியாக இருந்து வருகிறார் ட்ரம்ப்.

வரிகள், தடைகள், பேச்சுவார்த்தை என எதுவும் போர் நிறுத்தத்திற்கு ரஷ்யாவை அழைத்துவரவில்லை.

100 சதவிகித வரி

இதனால், ரஷ்யாவுடன் கச்சா எண்ணெய் வணிகம் செய்யும் டாப் 5 நாடுகள் மீது 100 சதவிகித இரண்டாம் கட்ட வரி விதித்து ரஷ்யாவிற்கு நெருக்கடி கொடுக்கத் திட்டமிட்டது அமெரிக்கா.

இதற்காக 2026-ஆம் ஆண்டின் ரஷ்யா மற்றும் ஈரான் மீதான தடைகள் குறித்த லிண்ட்சே ஓ. கிரஹாம் சட்டம் அறிமுகப்படுத்தப்பட்டது.

இந்தச் சட்டம் அமெரிக்காவின் கீழ்சபை, மேல்சபை ஒப்புதல் பெற்று, கடந்த மாதம், ட்ரம்ப் கையெழுத்திட்டு இந்தச் சட்டம் அமலுக்கு வரத் தயாரானது.

ஆனால், சீன அதிபர் ஜி ஜின்பிங்கின் அமெரிக்கப் பயணம் இருந்ததால், உடனடி அமல் தள்ளிப்போடப்பட்டது.

ட்ரம்பே ரஷ்யாவுடன் ஒப்பந்தம்!

ரஷ்யாவுடன் கச்சா எண்ணெய் வணிகம் செய்யும் டாப் 5 நாடுகளில் முதல் இரண்டு இடங்களில் முறையே சீனாவும், இந்தியாவும் இருந்து வருகிறது.

இந்த இரு நாடுகளும் பாதிக்கப்படும் என்று அமெரிக்கா நேரடியாகச் சொல்லவில்லை என்றாலும், தரவுகளே இதைச் சொன்னது.

அந்த நேரத்தில்தான், கடந்த அக்டோபர் 9-ம் தேதி, ரஷ்யாவுடன் டீசல் ஒப்பந்தம் போட்டுள்ளதாக ட்ரம்ப் அறிவித்தார். இது உக்ரைனுக்கும், ஐரோப்பாவிற்கும் கடும் அதிர்ச்சியாக இருந்தது.

புது ட்விஸ்ட்

நேற்று (அக்டோபர் 16) புது ட்விஸ்டாக, ட்ரம்ப் லிண்ட்சே ஓ. கிரஹாம் சட்டத்தில் புதிய மாற்றம் ஒன்றைக் கொண்டு வந்துள்ளார்.

அதன்படி, இதுவரை ரஷ்யாவிடமிருந்து எண்ணெய் வாங்கிய டாப் 5 நாடுகளுக்கு எந்தப் பாதிப்பும் இல்லை. 100 சதவிகித வரி விதிக்கப்படாது.

இனிமேல் அதாவது அக்டோபர் 18-ம் தேதி முதல் எல்லாம் தெரிந்தும் ரஷ்யாவிடமிருந்து புதிதாக கச்சா எண்ணெய் மற்றும் இயற்கை எரிவாயு வாங்கினால் மட்டுமே,

அமெரிக்காவில் இறக்குமதி செய்யப்படும் இந்த டாப் 5 நாடுகளின் பொருள்கள் 100 சதவிகித வரியை சந்திக்கும்.

இதனால், இதுவரை வாங்கிய எண்ணெய்களுக்குப் பிரச்னை இல்லை… இனிமேல் ஆகப்போகும் வர்த்தகங்களுக்குத்தான் பிரச்னை.

ஆக, வரியில் இருந்து தப்பிக்க அமெரிக்கா சொல்லும் டாப் 5 நாடுகள் ரஷ்யாவுடனான வர்த்தகத்தை ‘கட்’ செய்யுமா? பொறுத்திருந்து பார்ப்போம்!

More in TamilNews

புதுச்சேரி: "ஏரியில் வீட்டைக் கட்டிவிட்டு…" – மக்களின் மழைப் புகாருக்குச் சீறிய MLA ஜோஸ் சார்லஸ் October 17, 2026 மதம் மாறியவர்களுக்கு இட ஒதுக்கீடு விவகாரம்… VIJAY-க்கு நெருக்கடி | Decode October 17, 2026 தவெக நிர்வாகி வீட்டில் போதைப்பொருள்: “எத்தனை Leo Das, பவுடர் சரத்கள்?” – ஸ்டாலின் சாடல் October 17, 2026 காவிரி விவகாரம்: "தமிழக அரசு திட்டமிடல் இல்லாமல் தண்ணீரைத் திறந்துவிட்டது" – இபிஎஸ் குற்றச்சாட்டு October 17, 2026 'மீண்டும் ஒரு முறை கடத்தல்; இது வெறும் தடுப்புக் காவல் அல்ல! நேஹா எங்கே!' – நேஹா போரா கைது ! October 16, 2026 சௌதியில் மரண தண்டனை ரத்தான சிவராசா அனோஜனுக்கு அடுத்தது என்ன? இலங்கை அரசு தரப்பு புதிய தகவல் October 16, 2026

See all 712 in TamilNews →

Latest News

Gold rate: ஒரு வாரத்தில் இத்தனை மாற்றமா? வீக் எண்டில் தங்கம் வாங்குற பிளான் இருக்கா? October 17, 2026 புதுச்சேரி: "ஏரியில் வீட்டைக் கட்டிவிட்டு…" – மக்களின் மழைப் புகாருக்குச் சீறிய MLA ஜோஸ் சார்லஸ் October 17, 2026 மதம் மாறியவர்களுக்கு இட ஒதுக்கீடு விவகாரம்… VIJAY-க்கு நெருக்கடி | Decode October 17, 2026 Miley Cyrus Tearfully Pays Tribute to Dolly Parton With “Jolene” Performance at Hollywood Bowl: “Me and Dolly, We Are Eternal” October 17, 2026 தவெக நிர்வாகி வீட்டில் போதைப்பொருள்: “எத்தனை Leo Das, பவுடர் சரத்கள்?” – ஸ்டாலின் சாடல் October 17, 2026 ரேஷன் அட்டைதாரர்களுக்கு 2 முக்கிய அப்டேட்..!! ஆயுதபூஜை, தீபாவளியை முன்னிட்டு அரசு நடவடிக்கை..!! October 17, 2026