'சிறப்பு காட்சிகளுக்கு அனுமதி' – திரைத்துறையினரின் கோரிக்கைக்கு அனுமதியளித்த தமிழக அரசு!

திரையரங்குகளில் புதிய திரைப்படங்கள் வெளியாகும் நாளிலிருந்து ஒரு வாரத்திற்குத் தினமும் 6 காட்சிகள் காலை 6 மணி முதல், அடுத்த நாள் இரவு 2.30 மணி வரை திரையிட்டுக் கொள்ளத் தமிழக அரசு அனுமதி அளித்திருக்கிறது.

கடந்த வாரம் திரையரங்க உரிமையாளர்கள் சங்கத்தினர் தமிழக அரசிடம் சில கோரிக்கைகளை முன்வைத்திருந்தனர்.

அதில் இந்த விடியற்காலை 6 மணி காட்சிக்காகத் தமிழ் திரைப்பட நடப்பு தயாரிப்பாளர்கள் சங்கமும், தயாரிப்பாளர்கள் சங்கமும், திரையரங்க உரிமையாளர்கள் சங்கமும் இணைந்து கோரிக்கையை முன்வைத்திருந்தன. அதற்குத் தமிழக அரசு அனுமதி அளித்திருக்கிறது.

இது தொடர்பாக வெளியிட்டிருக்கும் அரசாணையில், “தமிழ் ஃபிலிம் ஆக்டிவ் ப்ரொடியூசர்ஸ் அசோசியேஷன், தமிழ்த் திரைப்படத் தயாரிப்பாளர் சங்கம் மற்றும் தமிழ்நாடு திரையரங்கு மற்றும் மல்டிபிளெக்ஸ் உரிமையாளர்கள் சங்கம் ஆகிய அமைப்புகள் பல்வேறு கோரிக்கைகளைத் தமிழக அரசிடம் முன்வைத்தன.

அவற்றில் முக்கியமாக, தமிழ்நாடு முழுவதிலும் உள்ள திரையரங்குகளில் புதிய தமிழ்த் திரைப்படங்கள் வெளியிடும் நாளிலிருந்து ஒரு வார காலத்திற்குத் திரைப்படங்களை நாளொன்றுக்கு ஆறு காட்சிகள் காலை 06.00 மணியிலிருந்து அடுத்த நாள் காலை 02.30 மணி வரை திரையிட அனுமதியளிக்கும்படிக் கோரியிருந்தன.

தமிழ்நாடு முதலமைச்சர் அவர்கள் திரைப்படத் துறையினர் அளித்த கோரிக்கை குறித்துக் கலந்தாலோசித்த பின்னர், தமிழ்நாடு திரையரங்குகள் (ஒழுங்குமுறை) விதிகளில் திருத்தம் செய்ய உத்தேசித்து, தமிழ்நாட்டிலுள்ள அனைத்து திரையரங்குகளிலும் புதிதாக வெளியிடப்படும் தமிழ்த் திரைப்படங்கள் வெளியிடப்படும் நாளிலிருந்து ஒரு வாரத்திற்குத் தினசரி ஆறு காட்சிகளுக்கு மிகாமல் காலை 06.00 மணியிலிருந்து அடுத்த நாள் காலை 02.30 மணி வரை திரையிடவும், உள்ளூர் பண்டிகை நாட்கள், பொது விடுமுறை நாட்கள், சனிக்கிழமை மற்றும் ஞாயிற்றுக்கிழமைகளில் தினசரி ஆறு காட்சிகள் திரையிடவும் உத்தரவிட்டுள்ளார்கள்” எனக் குறிப்பிடப்பட்டிருக்கிறது.

கடைசியாக விஜய்யின் ‘வாரிசு’, அஜித்தின் ‘துணிவு’ திரைப்படங்கள் ஒரே நாளில் வெளியான சமயத்தில் இது போன்ற சிறப்புக்காட்சிகள் திரையிடப்பட்டிருந்தன.

அப்போது ரசிகர் ஒருவருக்கு ஏற்பட்ட விபத்தினால் சிறப்புக் காட்சிகள் ரத்து செய்யப்பட்டன என்பது குறிப்பிடத்தக்கது.

More in Cinema

Scene OverSeas Review – சீன் ஓவர்சீஸ் விமர்சனம்.. சூர்யாவும், நஸ்லினும் கலக்கல்.. படம் ஹிட்டாகுமா? November 4, 2026 Nooru Kodi Vaanavil Review: நூறு கோடி வானவில் விமர்சனம்.. ஹரிஷ் கல்யாண் படம் நல்லா இருக்கா? இல்லையா? November 4, 2026 விஜய் போட்ட உத்தரவு.. அடித்து ஆடும் சூர்யா ரசிகர்கள்.. ‘சீன்’ காலை 6 மணி ஷோ புக்கிங் எப்படி? November 4, 2026 மாதம்பட்டி ரங்கராஜை மறக்காத முதல் மனைவி.. ஜாய் கிரிஸில்டாவுக்கு செம டஃப் கொடுக்கும் ஸ்ருதி.. புகழ்ந்துட்டாங்க November 4, 2026 கிடைக்கிற கேப்பில் எல்லாம் சிக்ஸர் அடிக்கும் ஸ்ரீலீலா.. எஸ்கே, தனுஷ், அஜித்தை தொடர்ந்து ரஜினி படத்திலும்! November 3, 2026 முதலமைச்சர் விஜய்க்கு நன்றியோ நன்றி.. காலை 6 மணி சிறப்புக் காட்சிக்கு பச்சைக் கொடி காட்டிய சிஎம்! November 3, 2026

See all 206 in Cinema →

Latest News

US midterm results: How a Democratic Congress could constrain Trump on Iran war, Ukraine policy November 4, 2026 Life Certificate: South Western Railway to hold special Jeevan Pramaan camps at 5 Mysuru locations- check details November 4, 2026 Historic election night in US: Meet candidates breaking barriers of race, gender and sexuality in midterm polls November 4, 2026 US midterms 2026 results: Republican Senator predicts Trump could face impeachment as Democrats take over Congress November 4, 2026 Why Indian regulation should look before it leaps—and how impact assessments can help November 4, 2026 Wilson, Rodon recalled to Wales squad for Nations League clashes November 4, 2026