தமிழ்நாடு பொது நூலக இயக்ககம் மற்றும் கோவை பெரியார் அறிவுலகம் உள்ளிட்ட நூலகங்களுக்குப் புத்தகங்கள் வாங்கியதில் நடைபெற்ற முறைகேடுகள் தொடர்பாக, லஞ்ச ஒழிப்புத்துறை (DVAC) முதல் தகவல் அறிக்கை (FIR) பதிவு செய்துள்ளது.
சென்னை மடிப்பாக்கத்தைச் சேர்ந்த ‘அகல் விளக்கு பதிப்பகம்’ மற்றும் ‘பீனிக்ஸ் பப்ளிகேஷன்ஸ்’ ஆகிய நிறுவனங்களின் உரிமையாளர் ஆர். மோகன் மற்றும் பொது நூலகத் துறை, அண்ணா நூற்றாண்டு நூலகம், பெரியார் அறிவுலகம் ஆகியவற்றின் அடையாளம் தெரியாத அரசு அதிகாரிகள் மீது கூட்டுச்சதி, மோசடி, ஆவணத் திருத்தம் மற்றும் பதிப்புரிமைச் சட்ட மீறல் உள்ளிட்ட பிரிவுகளின் கீழ் வழக்குப் பதிவு செய்யப்பட்டுள்ளது.

சென்னை உயர் நீதிமன்ற மதுரைக் கிளையின் உத்தரவின் பேரில் நடத்தப்பட்ட விரிவான விசாரணையில், தகுதியற்ற மற்றும் போலியான புத்தகங்களை அரசு நிதியில் வாங்கியது அம்பலமாகியுள்ளது. குறிப்பாக, புத்தகப் பரிந்துரைக் குழுவின் ஒப்புதல் இல்லாமலேயே ஒருங்கிணைப்புக் குழுவால் இப்புத்தகங்கள் பட்டியலில் சேர்க்கப்பட்டுள்ளன.
விசாரணையில், ‘நாலடியார்’ ஒரு புலவர் என்றும், ‘மதுரைக்காஞ்சி’யின் ஆசிரியர் ஒரு மன்னர் என்றும் தவறான தகவல்களைக் கொண்ட புத்தகங்களும், இணையதளங்கள் மற்றும் ChatGPT போன்ற செயலிகளின் உதவியுடன் கற்பனையான எழுத்தாளர் பெயர்களில் உருவாக்கப்பட்ட தரமற்ற புத்தகங்களும் விநியோகிக்கப்பட்டது தெரியவந்துள்ளது. ஒரே எழுத்தாளர் பெயரில் நூற்றுக்கணக்கான புத்தகங்கள் பதிவு செய்யப்பட்டதும், வெளிநாட்டு எழுத்தாளர்களின் படைப்புகள் வேறு பெயர்களில் வெளியிடப்பட்டதும் கண்டறியப்பட்டுள்ளது.
லஞ்ச ஒழிப்புத்துறை வெளியிட்ட FIR முழுவிவரம்
வழக்கு பதிவு மற்றும் பின்னணி: பள்ளிக்கல்வித் துறை செயலாளரின் கடிதம் (06.11.2026) மற்றும் சென்னை உயர் நீதிமன்ற மதுரைக் கிளையின் உத்தரவின் (10.11.2026) பேரில் லஞ்ச ஒழிப்புத் துறை (DVAC) விரிவான விசாரணை நடத்தி, 15.11.2026 அன்று இரவு 7.00 மணிக்கு வழக்குப் பதிவு செய்துள்ளது.
குற்றம் சாட்டப்பட்டவர்கள்: சென்னை மடிப்பாக்கத்தைச் சேர்ந்த ‘அகல் விளக்கு பதிப்பகம்’ மற்றும் ‘பீனிக்ஸ் பப்ளிகேஷன்ஸ்’ ஆகிய நிறுவனங்களின் உரிமையாளர் ஆர். மோகன், பொது நூலக இயக்ககம், சென்னை அண்ணா நூற்றாண்டு நூலகம் மற்றும் கோவை பெரியார் அறிவுலகம் ஆகியவற்றின் அடையாளம் தெரியாத அரசு அதிகாரிகள் மற்றும் பிற நபர்கள் மீது வழக்குப் பதிவு செய்யப்பட்டுள்ளது.
பதியப்பட்ட சட்டப்பிரிவுகள்: பாரதிய நியாய சன்ஹிதா (BNS) 2023-ன் கீழ் கூட்டுச்சதி, நம்பிக்கை துரோகம், மோசடி, ஆவணத் திருத்தம் ஆகிய பிரிவுகளிலும், ஊழல் தடுப்புச் சட்டம் மற்றும் பதிப்புரிமைச் சட்டம் (1957) ஆகியவற்றின் கீழும் வழக்குப் பதியப்பட்டுள்ளது.

நிதி ஒதுக்கீடு மற்றும் ஒருங்கிணைப்புக் குழு: கோவை பெரியார் அறிவுலகத்திற்குப் புத்தகங்கள் மற்றும் மின்-நூல்கள் வாங்க ரூ.50 கோடி ஒதுக்கீடு செய்யப்பட்டது. இதற்காகவும், திருச்சி, சேலம், கடலூர், திருநெல்வேலி மற்றும் 6 புதிய மாவட்ட நூலகங்களுக்காகவும் புத்தகக் கொள்முதலை ஒருங்கிணைக்க 4 நூலக அதிகாரிகள் கொண்ட ஒருங்கிணைப்புக் குழு 18.11.2025 அன்று அமைக்கப்பட்டது.
விதிமீறல் மற்றும் பரிந்துரைக்கப்படாத புத்தகங்கள்: புத்தகப் பரிந்துரைக் குழு சுமார் 26,000 புத்தகங்களைப் பரிந்துரைத்த நிலையில், அக்குழுவால் பரிந்துரைக்கப்படாத பல புத்தகங்களை ஒருங்கிணைப்புக் குழு தன்னிச்சையாகச் சேர்த்து புத்தகத் தேர்வுக் குழுவின் ஒப்புதலுக்கு அனுப்பியுள்ளது. இது குறித்து அதிகாரப்பூர்வக் குறிப்புக் கோப்பில் (Note file) எதுவும் பதிவு செய்யப்படவில்லை.
ஒரே முகவரியில் செயல்பட்ட நிறுவனங்கள்: ஆர். மோகன் ஒரே முகவரியிலிருந்து (மடிப்பாக்கம், சென்னை) ‘அகல் விளக்கு பதிப்பகம்’ (2,339 தலைப்புகள்) மற்றும் ‘பீனிக்ஸ் பப்ளிகேஷன்ஸ்’ (99 தலைப்புகள்) ஆகிய பெயர்களில் புத்தகப் பட்டியல்களை அனுப்பியுள்ளார். இதில் 1,857 புத்தகங்களுக்குக் கொள்முதல் ஆணை வழங்கப்பட்டு, புத்தகங்கள் பெறப்பட்டன.
அவசர அவசரமாகப் பெறப்பட்ட ISBN எண்கள்: உயர்மட்டக் குழு புத்தகப் பட்டியலுக்கு ஒப்புதல் அளித்த நாளான 05.02.2026 அன்று மட்டும் 48 புத்தகங்களுக்கு ISBN எண்கள் பெறப்பட்டுள்ளன. ஒரே எழுத்தாளர் பெயரில் (எ.கா: மோனிகா ரவி – 162, லட்சுமி மோகன் – 124) நூற்றுக்கணக்கான தொடர்பில்லாத புத்தகங்கள் பதிவு செய்யப்பட்டுள்ளன.

பதிப்புரிமை மீறல்: வெளிநாட்டு எழுத்தாளர் நினா ஷிக் (Nina Schick) எழுதிய “Deepfakes: The Coming Infocalypse” என்ற புத்தகத்தை, அகல் விளக்கு பதிப்பகம் ‘மனிஷா சரவணன்’ பெயரிலும், பீனிக்ஸ் பப்ளிகேஷன்ஸ் ‘சாருலதா விவேக்’ பெயரிலும் வெளியிட்டுள்ளன. மேலும், ‘எமிலி லாசன்’ என்பவர் பெயரில் போலி இணையதள முகவரியுடன் ISBN எண் இல்லாத புத்தகமும் விநியோகிக்கப்பட்டுள்ளது.
ChatGPT மற்றும் தவறான தகவல்கள்: இணையதளங்கள் மற்றும் ChatGPT போன்ற செயலிகளில் இருந்து தகவல்களை எடுத்து, கற்பனையான எழுத்தாளர் பெயர்களில் தரமற்ற புத்தகங்கள் உருவாக்கப்பட்டுள்ளன. குறிப்பாக, அகல் விளக்கு பதிப்பகப் புத்தகங்களில் ‘நாலடியார்’ ஒரு புலவர் மற்றும் தத்துவஞானி என்றும், ‘மதுரைக்காஞ்சி’யின் ஆசிரியர் ஒரு மன்னர் என்றும் தவறான தகவல்கள் இடம்பெற்றுள்ளன.
அரசு நிதி இழப்பு: கோவை பெரியார் அறிவுலகம் மட்டுமின்றி தமிழ்நாட்டின் பிற பொது நூலகங்களுக்கும் இவ்விரு நிறுவனங்களும் தகுதியற்ற புத்தகங்களை விநியோகித்ததன் மூலம் ரூ.1,74,01,162 (ரூ.1.74 கோடி) அரசு நிதி வழங்கப்பட்டுள்ளது. பிற பதிப்பகங்களும் இதுபோன்று முறைகேட்டில் ஈடுபட்டுள்ளனவா என்பது குறித்து விசாரணை விரிவுபடுத்தப்பட்டுள்ளது.
கோவை பெரியார் அறிவுலகம் மட்டுமின்றி மாநிலத்தின் பிற பொது நூலகங்களுக்கும் இதேபோன்று சுமார் ரூ.1.74 கோடி மதிப்பிலான புத்தகங்கள் விநியோகிக்கப்பட்டு அரசுப் பணம் கையாடல் செய்யப்பட்டுள்ளதால், இது குறித்து லஞ்ச ஒழிப்புத் துறை தீவிர விசாரணையைத் தொடங்கியுள்ளது.
'என் அத்தை, கணவர் கொல்லப்பட்ட சம்பவங்களை என்னால் எழுதவே முடியவில்லை..!'- சோனியா காந்தி எமோஷனல்
November 16, 2026
சோனியா காந்தி நூல் வெளியீட்டு விழா: ராகுல் காந்தி அருகில் விஜய்; பின் வரிசையில் டி.கே.சிவக்குமார்!
November 16, 2026
தள்ளி நிற்கும் இந்தியா! COP31 காலநிலை மாநாட்டில்.. முக்கிய இலக்கு! நிறைவேற்றுவதில் சிக்கல்?
November 16, 2026
அரிய கனிமங்கள்.. அபரிமிதமான பணம் பார்க்கும் சீனா! லாபம் மட்டும் எவ்வளவுனு பாருங்க
November 16, 2026
டிரம்ப், புதின் சந்திப்பில் என்ன பேசப்படும்? வேறு லைனில் போகும் சீன அதிபர்! விஷயம் கொஞ்சம் சீரியஸ்!
November 16, 2026
"குடும்ப சொத்தில் எனக்கு 50% வேண்டும்.." ரூ.2.43 லட்சம் கோடி டிவிஎஸ் சாம்ராஜ்யத்தில் சொத்து தகராறு
November 16, 2026
Aloe Blacc Forms Supergroup Mudkings With Robert Randolph, G. Love, Sam Hollander, and Johnny Black
November 16, 2026
Don’t Be Surprised That BTS Aren’t Nominated for the 2027 Grammys
November 16, 2026
Will Miranda Lambert Break the Producer of the Year Glass Ceiling?
November 16, 2026
Beyoncé Makes History as First Artist to Earn 100 Grammy Award Nominations
November 16, 2026
Jensen Huang allies build a "war room" to get him back at Nvidia
November 16, 2026
'என் அத்தை, கணவர் கொல்லப்பட்ட சம்பவங்களை என்னால் எழுதவே முடியவில்லை..!'- சோனியா காந்தி எமோஷனல்
November 16, 2026