Pocket Novel: "உலகத்தை நீங்கள் பார்க்கும் விதம் தனித்துவமானது" – விஜய் சேதுபதி குறித்து மாளவிகா

‘சூப்பர் டீலக்ஸ்’ படத்திற்குப் பிறகு இயக்குநர் தியாகராஜன் குமாரராஜா இயக்கத்தில் ‘பாக்கெட் நாவல்’ திரைப்படம் உருவாகி வருகிறது. இதற்கு முன்னதாக, ‘மார்டன் லவ்: சென்னை’ ஆந்தாலஜியில் ஒரு குறும்படத்தை இவர் இயக்கியிருந்தார்.

இயக்குநர் அண்ட்ரூ லூயிஸின் ‘பாக்கெட் நாவல்’ கதையை, தியாகராஜன் குமாரராஜா படமாக்கி வருகிறார். விஜய் சேதுபதி, மாளவிகா மோகனன், ராஜ் பி ஷெட்டி ஆகியோர் நடித்திருக்கும் இந்தப் படத்திற்கு இளையராஜா இசையமைக்கிறார்.

இந்தப் படத்தில் நடித்தது குறித்தும், விஜய் சேதுபதியுடன் பணியாற்றிய அனுபவம் குறித்தும் மாளவிகா மோகனன், அவருடைய சமூக வலைத்தளப் பக்கத்தில் பதிவிட்டிருக்கிறார்.

அந்தப் பதிவில் அவர், “சில திரைப்படங்கள் உருவாகும்போது, அவை தனக்கான ஒரு குட்டி உலகமாகவே மாறிவிடுகின்றன. அப்படிப்பட்ட ஒரு அழகான படத்தின் அங்கமாக இருந்ததை எண்ணி நான் மிகவும் அதிர்ஷ்டசாலியாக உணர்கிறேன்.

மாதக்கணக்கில் ஒரு முழு குழுவோடும் தினமும் பல மணிநேரங்களைப் பகிர்ந்து கொள்கிறோம். ஒருவரை ஒருவர் புரிந்துகொள்கிறோம். ஒன்றாகச் சாப்பிடுகிறோம். மணிக்கணக்கில் பேசுகிறோம், நல்ல நாள்களையும் கடினமான நாள்களையும் கடக்கிறோம், உணர்ச்சிப்பூர்வமான ஏற்ற இறக்கங்களை ஒன்றாகவே எதிர்கொள்கிறோம்.

நமக்கு தெரியாமலேயே, அவர்கள் நம் சொந்த வீட்டிற்கு அப்பால் மற்றொரு வீடாகவே மாறிவிடுகிறார்கள். விஜய் சேதுபதி, மிகவும் அக்கறையுள்ள, விட்டுக்கொடுக்கும் ஒரு சக நடிகராக இருந்ததற்கு என் நன்றிகள்.

எவ்வளவு நேரமானாலும், எவ்வளவு கடினமாக இருந்தாலும், நான் என் நடிப்பைச் சரியாகக் கொண்டு வர எனக்கு அவ்வளவு ஊக்கமும், இனிமையான அணுகுமுறையும் அளித்து ஒரு வசதியான கம்ஃபோர்ட்டான சூழலை உருவாக்கித் தந்தீர்கள்.

நாங்கள் ஏற்கனவே ‘பேட்ட’, ‘மாஸ்டர்’ என இரண்டு படங்களில் இணைந்து நடித்திருந்தாலும், ஒரே திரையைப் பகிர்ந்து கொள்ளும் வாய்ப்பு நமக்குக் கிடைக்கவில்லை.

அதனால், இந்த வாய்ப்பு ரொம்ப நாளாகவே பாக்கியாகவே இருந்தது. அது எவ்வளவு அழகான ஒன்றாக அமைந்திருக்கிறது! தியாகராஜன் குமாரராஜா உண்மையிலேயே செம்ம கூலான ஒரு மனிதர்!

மனிதர்களையும் இந்த உலகத்தையும் நீங்கள் பார்க்கும் விதம் மிகவும் தனித்துவமானது. உங்களுடன் பணியாற்றியது, அதைவிட முக்கியமாக உங்களை ஒரு மனிதராகவும் நண்பராகவும் புரிந்துகொண்டது என் வாழ்நாளின் சிறந்த அனுபவம்.

ஒரு படைப்பாளியாக நீங்கள் உறுதியாகவும், அதே சமயம் இரக்கத்தோடும் இருக்கும் விதம் அற்புதமானது; நீங்கள் செய்வதையெல்லாம் பார்த்து நான் எப்போதும் வியந்திருக்கிறேன். ‘பாக்கெட் நாவல்’ வெறும் படம் மட்டுமல்ல, அதற்கும் மேலான ஒன்று!” எனக் குறிப்பிட்டு பதிவிட்டிருக்கிறார்.

More in Cinema

மூடர்கூடம் : மடமையின் நுட்பம்! | ஆதி தாமிரா | `சினி'ஸ்கோப் 29 October 3, 2026 Sigma Review: நாலு பேரும் கோடிகளைக் கடத்தும் பிளானும்! ஆனால் இந்த ஆக்ஷன் ரூட்டில் புதுமை இருக்கிறதா? October 2, 2026 அன்பில் அவன் விமர்சனம்: காதல் கவிதை ஓகே; ஆனால் ஆக்ஷன் அதிகாரம் காப்பாற்றுகிறதா? October 2, 2026 Sigma: "படம் பார்த்துட்டு அம்மாவோட ரியாக்ஷன்…!" – ஜேசன் சஞ்சய் October 2, 2026 Sigma: "நடிப்பு மேல முழுமையாக ஆர்வம் இல்லைனு சொல்லிட முடியாது. ஆனா…" – ஜேசன் சஞ்சய் October 2, 2026 நடுக்கடலில் ஒரு சாகச புரமோஷன்.. ‘துரோகம் பழகு’ படத்தின் போஸ்டர் தெறிக்குதே! October 2, 2026

See all 154 in Cinema →

Latest News

IND vs WI: மீண்டும் சதத்தை தவறவிட்ட ரோகித் சர்மா.. தனி ஆளாக போராடி அணியை காப்பாற்றிய ஹிட்மேன் October 3, 2026 சச்சின் டெண்டுல்கரின் உலக சாதனையை முறியடித்த ரோகித் சர்மா.. தொடரும் ஹிட்மேனின் ஆதிக்கம் October 3, 2026 ஆசிய போட்டி 2026: இந்தியா, பாகிஸ்தான் வீரர்கள் போட்டி முடிந்த பிறகு கை குலுக்கினார்களா? October 3, 2026 அமேசான் கிரேட் இந்தியன் ஃபெஸ்டிவல்.. 6000எம்ஏஎச் பேட்டரி.. செம ஆஃபரில் சாம்சங் 5ஜி போன்.. எந்த மாடல்? October 3, 2026 Dodgers continue quest for World Series three-peat October 3, 2026 IND vs PAK: நக்வி-யை நோஸ் கட் செய்த ஜெய் ஷா.. இந்திய அணிக்கு தங்கப்பதக்கம் வழங்க நேரில் வந்தார் October 3, 2026