”நம்ம கட்சி திமுக கூடாரமா மாறிட்டு வருது தலைவரே…” – விஷமருந்தி தற்கொலைக்கு முயன்ற தவெக நிர்வாகி

தூத்துக்குடி மாவட்ட த.வெ.கவில், புறநகர் மாவட்ட செயலாளராக அமைச்சர் மதன் ராஜாவும், மத்திய மாவட்டச் செயலாளராக அமைச்சர் ஸ்ரீநாத்தும், தெற்கு மாவட்டச் செயலாளராக பிரைட்டரும் செயல்பட்டு வருகின்றனர்.

இந்த நிலையில், புறநகர் மாவட்ட செயலாளரான அமைச்சர் மதன் ராஜா, கடந்த சில மாதங்களாக மாவட்ட மற்றும் ஒன்றிய நிர்வாகிகளைக் காரணமே கூறாமல் தன்னிச்சையாக பதவியிலிருந்து நீக்கிவிட்டு, தனது ஆதரவாளர்களுக்கும் உறவினர்களுக்கும், மாற்றுக் கட்சியில் இருந்து இணைந்தவர்களுக்கும் த.வெ.க-வில் புதிய பொறுப்புகளை வழங்கி வந்ததாகக் கூறப்படுகிறது.

இதன் தொடர்ச்சியாக, தூத்துக்குடி தெற்கு ஒன்றிய செயலாளராக இருந்த குழந்தை ராஜா என்பவரை பதவியிலிருந்து நீக்கிவிட்டு, தனது உறவினரும் தி.மு.கவைச் சேர்ந்தவருமான பாரத் என்பவரைப் புதிய ஒன்றிய செயலாளராக அமைச்சர் மதன் ராஜா அறிவித்துள்ளாராம்.  

இந்தத் திடீர் பதவி மாற்றத்திற்கு எதிர்ப்பு தெரிவித்தும் மனமுடைந்தும், குழந்தை ராஜாவின் ஆதரவாளரும் த.வெ.க தெற்கு ஒன்றிய இளைஞர் அணிச் செயலாளருமான முத்துக்குமரன் என்பவர் வீடியோ ஒன்றை வெளியிட்டு, அதில் நேரடியாக விஷம் அருந்தி தற்கொலைக்கு முயன்றுள்ளார்.

முன்னதாக, த.வெ.க தலைவரும் தமிழக முதல்வருமான விஜய்க்கு அவர் வெளியிட்டுள்ள உருக்கமான வீடியோவில், “2000-ம் ஆண்டிலிருந்து கடந்த 26 ஆண்டுகளாக உங்களது தீவிர ரசிகனாக உங்களுடன் பயணித்து வருகிறேன். நீங்கள்தான் என் உலகம், என் உயிர் என்று வாழ்ந்து வருகிறேன். விஜய் மக்கள் மன்றத்தில் இயங்கி வந்த நான், நீங்கள் கட்சித் தொடங்கியபோது தீவிரமாகக் கட்சி இணைந்து பணியாற்றினேன்.

இன்று நீங்கள் முதல்வராகப் பொறுப்பேற்றிருப்பது மிக்க மகிழ்ச்சியளிக்கிறது. ஆனால், தூத்துக்குடி புறநகர் மாவட்டம் ஓட்டப்பிடாரம் சட்டமன்றத் தொகுதியில் நடக்கும் குளறுபடிகளைப் பார்க்கும்போது உங்களின் பெயர் தொடர்ந்து களங்கப்பட்டு வருகிறது. இது குறித்து உங்களுக்குப் பலமுறை இ-மெயில் அனுப்பியுள்ளேன். நேரில் பேசவும் முயற்சித்தேன்.

ஆனால், எந்தவித நடவடிக்கையும் எடுக்கப்படவில்லை. நமது கட்சி, தேர்தலில் வெற்றி பெற்ற பிறகு, மாற்றுக்கட்சிகளில் இருந்து நமது கட்சிக்கு வந்தவர்களுக்குக் குறிப்பாக, தி.மு.க-வில் இருந்து புதிதாக வந்தவர்களுக்கே நமது கட்சியில் முக்கியப் பொறுப்புகள் வழங்கப்பட்டு வருகின்றன. இதனால் நமது கட்சி தி.மு.கவின் கூடாரமாகவே மாறி வருகிறது.

உங்களுக்குக் கெட்ட பெயர் ஏற்படுத்தும் நோக்கிலேயே இங்குள்ள நிர்வாகிகள் செயல்பட்டு வருகிறார்கள்” என்று வேதனையுடன் கூறிக்கொண்டே அவர் விஷம் அருந்தியுள்ளார். 

சமூக வலைத்தளங்களில் இந்த வீடியோ  வைரலாகி வருகிறது. விஷம் அருந்திய முத்துக்குமரன் மீட்கப்பட்டு, தூத்துக்குடி அரசு மருத்துவமனையில் அனுமதிக்கப்பட்டுத் தீவிர சிகிச்சை பெற்று வருகிறார்.  

More in TamilNews

"ரஷ்ய எண்ணெய்க்காக அமெரிக்கா இந்தியா மீது வரி விதிப்பதற்கு முன் யோசிக்க வேண்டும்.!" – JP Morgan CEO September 23, 2026 தாராபுரம்: `விருப்பப்பட்டவர்கள் விசில் சின்னத்திற்கு வாக்களியுங்கள்..!' – ஆவேசமான நிர்வாகிகள்! September 23, 2026 "ஒரு குழந்தையின் கனவு நனவானது போல உணர்கிறேன்.!" – நடிகை பார்வதி September 23, 2026 பாசிட்டிவ் ரூட்டில் ஈரான் போர் நிறுத்தம்? 'நவம்பருக்கு பின் ஒப்பந்தம்' – ட்ரம்ப் சொன்ன தகவல்கள்! September 23, 2026 America AI, தானாகவே China AI மீது Attack நடத்தினால்… போரே வெடிக்கும்! | AI Hotline Explained September 23, 2026 "சங் பரிவாரின் B Team ஆக மாறிவிட்டது காங்கிரஸ் அரசு" – பினராயி மீதான விசாரணைக்கு சிபிஎம் கண்டனம் September 23, 2026

See all 736 in TamilNews →

Latest News

Disney+ and Hulu Raise Prices, With Ad-Free Plans Topping $21 Each September 23, 2026 Khloé Kardashian on ‘The Girls’ Future, ‘The Kardashians’ Longevity and Her Sephora Fragrances September 23, 2026 YouTube Extends Deal to Stream Coachella Through 2030 September 23, 2026 Risk of Hydrazine Use Following Freeze–Thaw Exposure September 23, 2026 ரஜினிகாந்த், சூர்யாவுடன் மோதவில்லை.. ஓம் ரிலீஸ் தேதியை ஒத்திவைத்த தனுஷ் September 23, 2026 Taylor Swift Announces ‘Encore’ Edition of ‘Life of a Showgirl’ With Four New Songs September 23, 2026